Уураг, амин дэм, давс, төмрөөр баялаг хоол хэрэглэх
Иоджуулсан давс хэрэглэх. Энэ нь хүүхэд амьд төрөх, хөгжил нь хоцрохгүй байх боломжийг нэмэгдүүлнэ. Гэвч хавантай үед давс их хэрэглэж болохгүйг анхаар.
Усанд тогтмол орж, шүдээ өдөр бүр угааж бай.
Жирэмсний сүүлийн саруудад үтрээний угаалга болон бэлгийн харьцаа хийж болохгүй. Учир нь ургийн усны гэр хагарах, халдвар орохоос сэргийлэх шаардлагатай байдаг.
Хэрэв боломжтой бол аливаа эм хэрэглэхээс зайлсхийх. Зарим эм ургийн өсөлтөнд муугаар нөлөөлдөг учир зөвхөн эмчийн зөвлөгөөний дагуу хэрэглэнэ. Хэрэв эмч эм уухыг зөвлөхөд та жирэмснээ мэдэж байвал түүнд хэлэх хэрэгтэй. Аспирин, ацетаминофен_, антацид зэрэг эмүүдийг тухайн шаардлагаар ууж болно. Мөн аминдэм, төмрийн бэлдмэлүүдийг тунгий нь тааруулан уувал хүүхдэд гаж нөлөө үзүүлэхгүй.
Архи, тамхийг хэрэглэж болохгүй. Эдгээр нь эхэд ч хортой ба ургийн өсөлтөд муугаар нөлөөлнө.
Улаан бурхан, ялангуяа улаануудаар өвчилсөн хүүхдээс хол бай.
Нэг их ядралгүйгээр биеийн хүчний хөнгөн ажил, дасгалуудыг үргэлжлүүлэн хий.
Химийн хорт бодисоос болгоомжил. Энэ нь хүүхдийн өсөлтөнд муугаар нөлөөлнө. Химийн үйлдвэрт, мөн хортон шавьж устгадаг бодистой ажиллаж болохгүй. Хүнсний зүйлийг химийн бодистой саванд хадгалахгүй, химийн бодис үнэрлэхгүй, түүгээр амьсгалахгүй байхыг хичээ.