-Сайн чанарын зөгийн бал аажмаар өтгөрөн, өнгөө алдаж, тунгалаг байдлаас өтгөн, царцсан тос мэт болно.
-Болж гүйцсэн тунгалаг зөгийн балыг халбагаар эргүүлэн ороож авч болдог бол шингэлсэн зөгийн бал доош урсан, амархан гашилдаг.
-Царцаж өнгөө алдсан зөгийн балыг зарахын өмнө зарим нь халаадаг. Гэтэл 50 хэмээс дээш халуунд зөгийн балны бүх ашигт бодисууд задран үйлчлэх чанараа алддаг байна.
-Хуурамч зөгийн бал хийхийн тулд сахар, цардуул, шохой ч хэрэглэдэг. Иймд худалдан авахын өмнө шалгаж үзэх хэрэгтэй. Стаканд ус хийгээд халбага зөгийн бал хийж хутга.
-Жинхэнэ зөгийн бал ус бага зэрэг булингартай мэт боловч ямар ч тунадас үүсэхгүй, харин бүх хуурамч зөгийн балнаас тунадас үүсдэг.
-Өнгө нь шар байх тусам сайн чанарын зөгийн бал байдаг.
-Цардуулаар хийсэн балыг мэдэхийн тулд түүнд иод дусаадаг, цардуул иодтой урвалд орж хөх толбо үүснэ.
-Хэрэв баланд цууны хүчил дусаахад шажигнан дуугарч байвал шохойтой гэсэн үг.
-Хэрэв зөгийг сахарын усмалаар тэжээж байсан бол бал нь цайвар цагаан өнгөтэй болдог. Ийм бал шаардлага хангахгүй.
-Худалдаж авсан зөгийн балыг хуурай шилэн саванд хийж, 11 хэмээс дээшгүй сэрүүн газар хадгална.
-Дулаанд бал гашилдаг.
-Зөгийн бал үнэрийг амархан шингээдэг тул хурц үнэртэй зүйлийн дэргэд хадгалж болохгүй.
-Машины замын дэргэдээс бал авч хэрэггүй, учир нь машины утаанаас ялгарсан хорт, хүнд бодисуудыг зөгийн бал өөртөө амархан шингээдэг.