Богино жижиг гарт нарийхан бүслүүртэй бөгж зүүвэл ийм гар гуалиг цэмцгэр юм шиг харагддаг.
Дөрвөлжин, эсвэл өргөн хумстай богино хуруунд өргөн бүслүүртэй бөгж хэзээ ч зүүж болохгүй. Гонзгойвтор дугариг юм уу, лийр хэлбэрийн шигтгээний нарийн үзүүрийг ийм хэлбэртэй хумсны зүг чиглүүлэн зүүвэл хумсыг нарийн гоё болгож харагдуулна.
Том, бүдүүн хуруунд шигтгээ чимэглэлгүй өргөн зузаан цагираг зүүвэл байгаагаасаа нарийссан нь илт мэдрэгддэг. Харин урт нарийхан хуруунд ийм бүслүүр тийм ч таатай биш. Хэрэв та ийм гартай бол төвгөр том шигтгээтэй, хүрээ нь дөрвөлжин хэлбэртэй харагдах бөгж зүүвэл хамгийн гойд зохицол болдог.
Хэрэв таны гар гоёмсог хэлбэртэй бол чамин хурц өнгийн шигтгээ сонгоорой. Хэлбэр нь тийм ч зөв биш хуруунд энгийн, даруу өнгөтэй шигтгээ эвтэйхэн зохицдог.