Богино махлаг гарт өргөн бугуйвч болон том шигтгээ чимэглэл огт зохидоггүй. Ийм бугуйнд нарийн цэмцгэр цагираг зүүвэл аятайхан харагддаг.
Урт нарийхан гарт гинж болон сул цагираг илүү гоёмсог харагдана. Харин таны гар жижиг гоёмсог хэлбэртэй бол аль болох анхаарал татахуйц чамин шигтгээтэй, бугуйгаа барьсан бугуйвч сонгоорой.
Бугуйвч зүүсэн бол та цагаа заавал салгаж аваарай. Энэ хоёрыг хоёр гартаа зэрэг салгаж хэрэглэх нь хамгийн зохимжгүй явдал болдог. Нэг гарт хоёул хамт бол бүр зохимжгүй.
Хэрэв та спорт маягийн хувцастай бол нэг гартаа цаг зүүхийн хамт нөгөө гартаа үнэт чулуу, металлаар хийгдээгүй хямд цэвэрхэн цагираг зүүж болно. Бас костюм дээр нарийхан цагиргийг цагтай хослуулахад буруудахгүй. Харин богино ханцуйтай хувцас өмссөн бол аль нэгийг нь орхихоо мартав аа.