Гэтэл нүүрний арьс халуун хүйтэн, салхи шуурга, бороо шороонд юун түрүүн өртдөг хамгийн эмзэг хэсэг юм. Тиймээс нүүрний арьсыг чөлөөтэй амьсгалах, шинэ эд эсээр нөхөгдөн сэргэхэд саад учруулж буй элдэв давхрага-аас салган орой бүр арьсаа сайтар цэвэрлэх нь арьсыг үхэж өнгөө алдахаас сэргийлдэг ач тустай. Сүүлийн үед нүүрний арьсыг цэвэрлэгч бодисууд маш олон болосон боловч ямар бодисыг хэрхэн яаж, хэдийд хэргэлэх талаар тэр бүр мэддэггүй. Тиймээс нүүр цэвэрлэгч бодис авахдаа дараах зөвлөгөөг ашиглаарай.

Сүүн шингэн
Сүүн шингэнийг бүхэл өдрийн турш цугларсан тоос, шороогоо цэвэрлэх, будгаа арилгах зорилгоор хэрэглэдэг. Цэвэрлэхдээ цайны халбаганы дайтай сүүн шингэнээ нүүр хүзүүгээрээ иллэгний шугамын дагуу түрхэж 20 минут байлгасны дараа бүлээн усаар угаана. Нүүрээ угаах ус их байх тусмаа цэвэрлэгээ сайн хийгдэнэ гэдгийг анхаараарай.
Гэхдээ улаан хацартай, өнгөцхөн судас ихтэй, цочромтгой арьстай хүмүүс нүүрээ халуун хүйтэн усаар булхуулж угаах, мөсөөр байнга арчихад нүүрний улаан улам нэмэгддэг. Иймд зөвхөн хүйтэвтэр усаар угаагаарай.

Тосон цэвэрлэгч
Тосон цэвэрлэгчийн найрлаганд тэжээлийн тос, витамин орсон байдаг тул хуурайшиж хогжруутсан, цочромтгой, суларсан арьсыг цэвэрлэх, уруулын будгийг арилгахад хэрэглэдэг. Тос нь бохирдлыг өөртөө уусгаж гүн цэвэрлэхийн зэрэгцээ арьсанд дутагдаж байгаа тэжээлийг нөхөж өгдөг давуу талтай. Тосоо хөвөнд шингээгээд арьсаа татаж чирэлгүй, зөөлөн болгоомжтой арчаарай. Арчих бүрдээ хөвөнгөө солих хэрэгтэй.
Дараа нь заавал бүлээн усаар угаана. Ийм цэвэрлэгчийг тослогтой болон холимог арьсанд хэрэглэвэл батга нэмэгддэг тул арьсныхаа төрөлд тохируулан хэрэглэх бүтээгдэхүүнээ сонгоорой.

Нүүр гарын ус
Энэхүү бүтээгдэхүүнийг бохир арьсыг цэвэрлэхэд бус, нүүрээ угааж цэвэрлэсни йдараа арчиж хэрэглэдэг. Нүүрний арьс нь будаг шунх зэрэг бишгүй олон зүйлд өртдөг азгүй эрхтэн гэдгийг ойлгож иймэрхүү усыг хэрэглэхгүйгээр арьсаа амраасан нь дээр. Хэрвээ хэрэглэхэд хүрвэл спиртны хольцгүй байвал зүгээр. Мөн ургамлын хандаар шавшсан ч болно.

Цэвэрлэгч хөөс
Иймэрхүү цэвэрлэгчийг тослог болон холимог арьстай хүмүүс тос дааварлаад байдаг хэсэгтээ түрхэж хэрэглэнэ. Хөөсөн цэвэрлэгч илүүдэл тос өөх, янз бүрийн хир буртгийг арилгах үйлчилгээ бүхий арав гаруй нэр төрлийн бодис агуулдагаараа давуу талтай.

Цэвэрлэгч салфетка
Уг салфеткийг хөвсгөр зөөлөн эд, целлюзоор хийж, арьсыг цэвэрлэх болон арьсанд тэжээл өгөх зорилготой. Гэхдээ салфетка болгон адилгүй, арьс болгонд тохирсон өөр өөр байдгийг анхаарч зөвхөн өөртөө тохирох салфеткийг сонгож авах хэрэгтэй. Түүнээс биш гартаа тааралдсан цаасаар нүүрээ арчиж болохгүй. Жишээ нь тослог арьсныцаасан цэвэрлэгчээр хуурай арьсаа арчвал нүүр чинь улам хуурайшин түлэгдэж, харлаж сэвхтэнэ. Иймд та уут баглаан дээрх заалтыг сайн уншиж шалгаад зөвхөн өөртөө тохирсон сальфеткийг аваарай.