Урт өтгөн хар сормуус нь нүдэнд өнгө оруулж, царай аятайхан болгоно. Зовхины зарим өвчин, мэдрэлийн өвчнөөр сормуус ургалт алдагдах нь бий. Тийм үед бол сормуус шингэрдэг, эсвэл бүр унадаг.
Сормуусаа ургуулъя гэвэл зохих тосоор урьдаар тослоод, зовхиныхоо ирмэгт хөнгөн иллэг хийнэ. Загасны тос, тосон тулуга, бүлйсийн тос нь сормуусыг тогтмол ургуулдаг зүйлс мөн.
Сормуусны үзүүр нэлээд нарийн цайвар байдаг. Будчихвал зовхио дэвсгэрлээд улам урт, тод харагдана.

Сормуусыг яаж зөв будах вэ?
Сормуусны будгийг үс, нүд, црайн өнгөтэй тохируул. Цайвар үстэй хүнд бол хар хүрэн, бор өнгийн будаг таарна.
Эхлээд доод сормуусыг, дараагаар дээд сормуусыг сайтар буддаг. Хатаагаад дараа нь 2-3 удаа сэргээдэг. Сормуусны угаар хөмсөгний харандаа буюу нарийн бийрээр зураас тавибал шингэн сормуус өтгөрч харагдах нь бий.
Нүдний дотор талын сормуус будагдалгүй хоцрох нь олонтаа байдаг. Тэгвэл нарийн сойзоор будаад өгвөл өтгөн сормуустай, том нүдтэй харагдана. Сормуус хоорондоо наалдвал цэвэр сойз, самны үзүүрээр самнавал наалдааг гаргаж болно.
Дээд сормуусаа будаж байхдаа доод талынхыг эвгүй болгодог учраас нимгэн цаас хавчуулаад будвал зүгээр.