Агаарын температур 45… 60 градус халуун, харьцангуй чийг 75-100 хувь ууранд суухад хөлс их гарна. Арьсны нүх сүв онгойж бодисын солилцооны хэрэггүй болсон бодис хөлстэй хамт гадагш гарна. Тэрчлэн цусны эргэлт сайжран бүх эрхтний үйл ажиллагаа идэвхжинэ. Тэгээд амьсгалахад бие хөнгөрч, өөрийгөө залуу болчихсон юм шиг санадаг ажээ.
Эмэгтэйчүүдэд бол энэ нь гоо заслын олон ажлыг орлоно. Ууранд ороод гарахад арьсны гадна талын эвэршиж хөрзийсөн бүхэн амархан ховхорч арьс зөөлөн, өнгөлөг болно. Хоолоо тааруулаад ийм ууранд ороход биеийн илүү жинг бууруулах тустай.
Одоо та ууранд суухаар шийдлээ гэж бодъё. Ноосон малгай өмсөөд /өндөр температурын үйлчлэлээс хамгаалж/ эхлээд уурын доод талд 5… 100 минут суу. Биеэ халахлаар хажуугийн өрөөнд гарч цагаан даавуу нөмрөөд 10… 15 минут амар, тэгээд дахин уурандаа орно. Эхлээд доод талын сандар дээр сууж, дараа нь аажим дээшээгээ болно. Ууранд 10… 15 минутаас удах хэрэггүй. Анх орж байгаа бол түүнээс ч бага суу.
Ууранд суучихаад бүлээн, хүйтэвтэр, хүйтэр усаар биеэ шүрш. Халуун, хүйтнийг сэлгэх нь судасны гимнастик боргошуулах сайн хэрэгсэл мөн.
Хүн бүр ууранд сууж болох уу?
Ер нь эрүүл бол олонхи хүнд энэ засал яриангүй тустай. Харин зүрх, судасны болон бусад өвчтэй, мөн жирэмсэн эмэгтэйчүүд ууранд суух хэрэггүй. Анх ууранд суух гэж байгаа хүн эмчээс зөвлөгөө авбал зохино. Тэгээд зөвлөгөөг нь ууранд суухдаа хатуу санаж биелүүл.