Түүний дараа өдрийн цагаар хэрэглэдгийгээ бодвол цайвар өнгийн шахмал дэвсгэр өнгө тавих хэрэгтэй. Энэ нь сэтгэл хөдөлгөм харагдуулдаг ба хүзүүний арьсыг цээжний ил хэсэгтэй нийлэмжтэй болгож өгдөг. Дэвсгэр өнгөө хуурай поролон илбүүрээр арьсанд бага багаар нь хөнгөн шахаж тавина. Уруул, зовхинд ч гэсэн тавихаас гадна эрүүнээс хүзүү рүү, чамархайнаас чих рүү шилжих хэсгүүдэд дэвсгэр өнгийг маш сайн шингээж өгөх хэрэгтэй.
Тод харагдах сэвх, батга, мөн нүд, уруулыг тойрсон үрчлээс, зураасыг шахмал дэвсгэр өнгө юм уу зориулалтын далдлагч кремээр түрхэлт хийж дарна.
Yүний дараа цайвар пудрийг өдлөг илбүүрээр зөвхөн нүүрэндээ сантиметр сантиметрээр ахиулан тавина. Ялангуяа хамрын угалзны хавьд нямбай гүйцэтгэх хэрэгтэй.
Одоо та хөмсөгний харандаагаар хөмсгөө нүдний угаас булан руу дагуулан дээш чиглэлтэй будах хэрэгтэй.
Мөн хацрын төвгөр яснаас доохнуур чамархай руу чиглүүлэн хацрын энгэсгийг багсаар тавина.
Чамархай, эрүү, хүзүү, цээжний ил хэсэгт гоёлын байдалд зохицуулан хүрэн өнгийн хацрын энгэсгээр хөнгөн түрхэлт хийнэ. Ингэхдээ хүзүү, цээжний ил хэсэгт урьдчилан пудр тавьсан байна.
Хацрын энгэсэг түрхсэн бүх хэсгийг зөөллөх, шилжсэн хэсгийг уусгахын тулд цайвар пудрээр бүдэгрүүлнэ.
Цайвар өнгийн дэвсгэр өнгөөр нүдний давхрааг тойруулан дээд зовхийг савхан илбүүрээр будна.
Тэгээд бор, хүрэн өнгийн тень түрхэнэ. Эхлээд дээд зовхины доод ирмэгээр нүдний угаас булан тийш татаад, булангаас дээд зовхины дээд хөвөөгөөр буцааж үргэлжлүүлэн бараг нүдний уг хүртэл будна.
Дээд зовхины будагдаагүй хэсэг болох дээд хөвөө, доод ирмэг хоёрын хоорондох зайнд хоёр дахь өнгийг нямбай тарааж түрхэнэ.
Доод зовхийг хөнгөн теньдэх бөгөөд нүдний гадна буланг өргөвтөр будаад, будгийг дээд зовхиныхтой холбоно.
Дээд зовхины ирмэг, сормуусны угаар шингэн тушиэр зураас татна. Зураасны нарийн өргөнийг зовхины хэлбэрээс хамааруулна. Том тавиун зовхинд нүдний угаас бүдүүссээр нүдний булан хүртэл 4 мм-ийн өргөнтэй болсон зураас татаж бололх ба харин төгсгөлийг нь нарийсгасаар дуусгана. Жижиг зовхинд нарийхан зураасыг зовхины дунд хэсгээс эхлэн тавьдаг.
Сормуус эргүүлэгч хавчуураар болгоомжтойхон сормуусны үзүүрийг дээш эргүүлнэ. Гэхдээ хавчуурыг зовхинд хэт ойртуулж болохгүй ба тэгвэл зовхины тень болон хүрээ зураасыг заваартуулах болно. Эргүүлсэн сормуусаа болж өгвөл хар тушиэр хоёр удаа будах хэрэгтэй.
Дээд зовхинд 2-3 цагц хиймэл сормуус суулгана. Сормуусыг хямсаагаар барьж цавуудаад шаардлагатай хэсгүүдэд наана.
Хүрээлэгч харандаагаар уруулын хөвөөг тодруулна.
Уруулын будгийг урууландаа бийрээр түрхээд уудаг цаасаар зөөлхөн дарж шингээж авна. Энэ үйлдлийг эхнээс нь дахин нэг удаа давтана. Уруулын будалт нь хацрын энгэсэгтэй тохирч байхын зэрэгцээ түүнээс нэлээд тод, харин нүдний будалтаас тод байж болохгүй гэдгийг анхаар.
Та ямар ч эрэгтэй хүний дэргэд, тэр ч байтугай дотно залуугийнхаа ч нүдэн дээр будалт хийх хэрэггүй. Сайхан байна гэдэг үргэлж сайхан харагдахын нэр юм шүү дээ.