Шүлс ходоодны салст бүрхэвчийг хамгаалдаг
Шүлсэн дэх салст уураг нь хоол идсэний дараа ходоодны шүүсний хүчлийг багасгана. Саармагжуулсны дараа салст уураг нь тунаж ходоодны салст бүрхэвчийн дээр хамгаалах бүрхэвчийг буй болгож ходоодны хүчлийн ялзруулах үйлдлийн эсрэг хүчтэй үйлчилдэг. Ходоод өвчингүй бол хоол бүрэн шингэж шим тэжээлтэй бодис бүрэн ашиглагдаж бие чийрэгждэг.

Шүлс нянг устгана
Хоол хүнстэй хамт маш олон тооны бактер амны хөндий болоод ходоодонд ордог. Хоолоо сайн зажилж, сайтар шүлствэл олон бичил биетнийг устгаж өвчин үүсгэх чадваргүй болгодог.

Шүлс шүд хорхойтохоос сэргийлнэ
Шүдний гадаргуугийн паалан үргэлж ховхрон унахын хамт бас шинээр буй болж байдгийг сүүлийн үеийн судалгаа нотолжээ. Хоол хүнсэн дэх нүүрс усны нэгдэлд шүдний нэгэн зүйлийн хорхой үржиж сул хүчлийг буй болгож байдаг байна. Энэ сул хүчил нь шүдний гадаргууг иднэ. Харин шүлсэнд шүдний гадаргууг нөхөх кальц фосфорын давс агуулагдана. Эдгээр бодис нь шүдний хамгаалах бүрхэвч болохын зэрэгцээ нянг устгаж шүд хорхойтохоос сэргийлдэг.

Шүлс хөгшрөлтийг удаашруулна
Шүлсэнд хүнийг залуу байлгахад нөлөөлдөг даавар байдгийг саяхан эрдэмтэд нээжээ. Ийм дааврыг шүлсний гурван булчирхайн нэг болох чихний орчмын булчирхай шүүрүүлдэг байна. Энэ даавар хүний булчин, судас холбогч нэхдэс ба араг яс мөгөөрс ба шүдний идэвхжлийг хүчтэй болгоно. Ялангуяа судасны уян хатан чанарыг дээшлүүлж холбогч нэхдэсийн амьдрах чадварыг идэвхжүүлдэг байна. Хэрэв энэ даавар хангалттай их байж чадваас холбогч нэхдэсийн үйлчлэл хүчтэй болж арьсны уян чанар хадгалагдаж чадна.

Шүлс өлсөхөөс сэргийлнэ
Хүний шүлс аливаа хорыг ариутгах үйлчилгээтэй бөгөөд хоол хүнсэн дэх өмөн үүсгэх бодисыг устгах хоргүй болгох чадвартайг сүүлийн үеийн судалгаагаар нотолжээ. Хүн амандаа үмхсэн будааг 30 секундээс дээш хугацаанд зажилбал хамгийн сайн ариутгал болж чадна. 30 орчим удаа зажилж залгивал үндсэндээ өмөнгөөс сэргийлэх үр дүнд хүрнэ.