Цагаан идээ, жимс ногоо зэрэг байгалийн бүтээгдэхүүнээр бэлтгэсэн маск нь аль ч насныханд тустай бөгөөд эдгээр нь мэдрэлийн цэгүүдийг цочроон, арьсны тэжээллэг чанарыг идэвхжүүлж, арьсыг тайвшруулахын зэрэгцээ зөөлрүүлж цайруулна. Харин ямар бүрхэвч бэлтгэх вэ гэдэг нь арьсны хэв шинжээс хамаарна. Иймийн тулд та ямар төрлийн арьстайгаа мэдэх хэрэгтэй.

Арьсаа цайруулахыг хүсч байвал аарцтай бүрхэвч тавь
Нэг хоолны халбага аарцыг багахан хэмжээний сүүгээр /буцалсан/ зуурна. Түүн дээрээс нимбэгний шүүс цайны халбагаар хоёрны нэг хэмжээтэй хийнэ. Нүүрээ цэвэрлэсний дараа уг бүрхэвчийг арьсандаа жигд түрх. Хүзүүндээ мөн тавина. 15-20 мин болгоод угаана, харин тослог болон батгатай арьсанд 30 минутаар. Хуурай буюу холимог арьсанд үүнийг хэрэглэвэл арьс өнгөлөг болж цайрна.

Гандаж холцруутсан арьсанд цөцгийтэй бүрхэвч сайн
Нар салхинд удаан явснаас арьс гандаж холцруутдаг. Арьсны өнгийг засаж, холцруутсаныг арилгахад дараах бүрхэвчийг хэрэглээд үз. Нэг хоолны халбага цөцгийг жижигхэн хэрчиж нухсан шинэ. өргөст хэмхтэй буюу луувангийн шүүстэй холино. Нүүр хүзүүндээ жигд түрхэж 15-20 минут болоод арчиж авна. Бүх төрлийн арьсанд тохиромжтой.

Хуурай арьсанд цөцгий, тараг, хоормог түрхэх сайн
Оворжиж, үрчлээтэж буй арьсанд бүлээсгэсэн ургамлын тос, өндөгний шар, зөгийн балтай хольж бүрхэвч тавьж болно. Ялангуяа хуурай бөгөөд хөгширч суларсан арьсанд майонез, цөцгий, тараг түрхэх сайн. Эдгээр нь арьсыг зөөлрүүлж цайруулна. Бүрхэвч тавьсны дараа угааж мөсөөр үрж, дараа нь тэжээлийн тос түрх. Хуурайшиж холцруутсан арьсанд бүрхэвч тавьсны дараа зөөлрүүлэх тос заавал түрхээрэй. Мөсөөр арчсаны дараа арьсанд түрхсэн тос сайн шингэдэг. Өглөө бүр мөсөөр арчих нь арьсны өвчинг анагааж толигор болгоход тустай.