Өтгөн хатах нь дараах шинжүүдээр илэрнэ.
Өтгөнөөр бие засахад хүндрэлтэй болох
Өтгөн нь жижиг хуурай хатуу болох
Гэдэс дүүрэх зэрэг таагүй байдал бий болох
Хий гарах нь их болох

Өтгөн хатахад юу нөлөөлдөг вэ?
Өтгөн хатах нь ихэнхдээ дараах зүйлсээс шалтгаалдаг.
Хоол хүнсэндээ ислэг ихтэй хүнс хэт бага хэрэглэснээр өтгөн хэлбэржихгүй байх ба улмаар гэдэсний гүрвэлзэх хөдөлгөөнийг эрчимжүүлэх хүчин зүйл болж чадахгүй байх
Шингэнийг хэт бага ууснаас өтгөн хуурай хатуу болох
Биеийн хөдөлгөөн дутагдсанаас гэдэсний гүрвэлзэх хөдөлгөөн удаашрах
Ажил ихтэй болон олон нийтийг хамарсан ямарваа нэг үйл ажиллагаанд оролцож байх үедээ өтгөнөөр бие засахыг тэвчих
Шамбрамын зангилаанууд томорч шулуун гэдэсний амсрыг нарийсгах буюу өтгөнөөр бие засах үед өвдөлттэй болгох
Зарим нэг эмнээс бол өтгөн хатах, тухайлбал зарим нэг өвчин намдаах эмүүд болон төмрийн бэлдмэлүүд

Өтгөн хатахаас сэргийлэх аргууд
Хангалттай хэмжээний шингэн уух. Өдөрт 8 аяга шингэн ууж байвал сайн. Хар чавганы шүүс бас тустай байдаг.
Ислэг ихтэй хүнсний бүтээгдэхүүн буюу жимс ногоо, гурилан бүтээгдэхүүн, овьёос зэргийг хэрэглэж байх
Дасгал хөдөлгөөнөөр тогтмол хичээллэх, долоо хоногт 3-5 удаа бие халаахтайгаа нийлээд тус бүр 20-60 минут зарцуул. Хурдан алхах, усанд сэлэх, дугуй унах зэрэг нь танд тохирсон дасгал юм.
Тогтмол нэг цагт өтгөнөөр бие засаж сурах хэрэгтэй. Өглөөний цайны дараа гэдэсний гүрвэлзэх хөдөлгөөн идэвхтэй байдаг учир хамгийн тохиромжтой цаг юм.
Шамбарам үүсэхээс сэргийлэж хүч гарган дүлэхээс зайлсхий.

Хэзээ эмчид хандах вэ?
Олон хүмүүс эрт орой хэзээ нэгэн цагт өтгөн хатах зовиуртай болдог. Ихэнх тохиолдолд энэ зовиур нь дасгал хөдөлгөөн хийх, хоолоо тохируулах зэрэг арга хэмжээ авснаар зүгээр болдог. Хэрэв зовиур арилахгүй, эсвэл дараах шинж тэмдэгтэй хавсарч илэрвэл өрхийн эмчдээ хандах хэрэгтэй.
Гэдсээр өвдөх, дүүрэх
Өтгөн харандааны хэмжээний буюу нарийн гардаг болох
Турах
Танд эмч чинь өтгөн ялгаруулах явцыг түргэсгэх үйлдэлтэй эм бичиж өгч болох юм. Энэ эмийг зөвхөн зааврын дагуу хэрэглэх хэрэгтэй. Зарим ийм үйлдэлтэй эмүүд гэдэс базлах, бөөлжих зэрэг гаж нөлөөтэй байдаг. Мөн энэ эмүүдийг удаан хэрэглэвэл гэдэсний хөдөлгөөнийг сааруулж, өтгөн хаталтыг улам даамжруулж болдог. Өтгөнийг хэлбэржүүлэх ислэгийн үйлдэлтэй оролцоо үйлдэл бүхий эмийг удаан хэрэглэхэд хангалттай хэмжээний шингэн уух шаардлагатай байдаг ч аюулгүй байдаг байна. Ийм эмийг та эмийн сангууд болон дэлгүүрүүдээс авч хэрэглэх боломжтой.
Ямар нэг өвчний улмаас өтгөн дамжих зам хаагдсан байж болзошгүй тул танд зарим нэг шинжилгээг хийх шаардлага гарч магадгүй.

Ходоод зөв ажилладаггүй, өөрөөр хэлбэл өтгөн хаагдах нь хэт таргалахын шалтгаан болох явдал олонтаа тохиолддог. Нүүр, биен дээгүүр бижрүү, батга гарч ирнэ. Энэхүү гайтай өвчнөөс ангижрахад чинь туслах зөвлөгөө өгье.

Өглөөний цай уухаас 15-20 мнутын өмнө нэг аяга түүхий сүү юм уу, түүхий ус уух хэрэгтэй. Хэрэв цаг зав байгаад хүсвэл мөн өглөө цай уухын өмнө хар чавга дэвтээн, түүндээ зөгийн бал түрхэн идэж болно. Хар чавга, зөгийн баланд их хэмжээний витамин байдаг болохоор энэ нь их ашигтай байдаг.
Ийм өвчнөөр ялангуяа их суудаг амьдралтай хүмүүс их өвчилдөг. Ийм хүмүүс их хөдөлж, явгаар явж, гимнастикийг зөвхөн өглөө төдийгүй мөн үдээр хийж байх хэрэгтэй.