Уг өвчний үед шээсний шинжилгээг тусгай сорилоор бус, ердийн аргаар шинжилбэл ямар ч өөрчлөлт мэдэгдэхгүй. Шээсний гаралт хэвийн, халуурахгүй, өвчин ужгирч байвал шээсний шинжилгээнд өөрчлөлт гарахгүй. Харин хоёр талын бөөрний тэвшинцэр зэрэг үрэвссэн бол артерийн даралт ихсэх бөгөөд нэг талын бөөр үрэвссэн үед даралт их хэмжээгээр нэмэгдэхгүй байх нь бий.
Ийнхүү бөөрний тэвшинцрийн архаг үрэвслийн далд хэлбэрийг оношлоход ууц нуруугаар төөнөх мэт өвдөхөөс өөр зовиур шаналгаа бараг байдаггүй. Хэдийгээр шээс хэвийн хавангүй, даралт хөдлөөгүй гэх мэт бөөрний өвчний түгээмэл хэлбэрүүд илрээгүй боловч өвчнийг илрүүлэх арга байдаг. Тэр нь уг хүнийг албаар халууруулах үйлчилгээтэй тусгай бодис юм уу, эсвэл преднизолоноор урьдчилан шээсийг шинжлэх явдал юм. Уг сорилоор шээсний идэвхтэй цагаан эсийг тоолдог.

Өвчний үеийн эмчилгээ
Ер нь бөөрний бүх төрлийн өвчин нь маш удаан хугацааны эмчилгээ, нарийн дэглэм шаарддаг. Эм эмчилгээнээс гадна тухайн хүний амьдралын хэв маяг, ажил, ажлын нөхцөл байр, зан үйл, хоол тэжээлийн байдал. Цаг агаарын нөхцөлд дасан зохицох чадвар, бэлгийн харьцаа гэх мэт олон хүчин зүйл хамааралтай. Хэрэв таны бөөр байнга өвддөг болон түүнийг эмчид үзүүлэн оношлуулсан бол бөөрний тэвшинцрийн архаг үрэвсэл буюу архаг пиелонефрит далд хэлбэр гэдгийг тогтоолгосон бол эмчилгээний нарийн дэглэм сахих хэрэгтэй болжээ.
Yүний тулд
1.Хүчтэй хөдөлгөөн, ямар нэг доргионтой байдлаас татгалз. Машин, морь, мотоцикль унахгүй байх хэрэгтэй.
2.Аль болох дороосоо дулаан явах хэрэгтэй. Хөлнөөсөө даарахгүй байхыг хичээ.
3.Өвчний үед бэлгийн харьцааг аль болох цөөрүүл.
4.Давсны хэрэглээг багасга. Ялангуяа цайг давстай уудгаа боль.
5.Уураг, тос, өөхөөр баялаг махан хоолны хэмжээг багасга.
6.Зундаа наранд биеэ шарах нь хамгийн ашигтайг сана.
7.Хуурай болон халуун уур амьсгалтай газар удаан хугацаанд амьдрах нь тохиромжтой.
8.Өвлийн улиралд сард нэг удаа халуун ууранд сууж бай.
9.Тэхийн шээг болон шээс хөөх эмийг ууж байх хэрэгтэй.
10.Ингэний хоормогноос өдөрт 200 гр уу.
11.Архи, пиво, дарс болон өнгөтэй спиртийн төрлийн ундааг цээрлэ.
12.Ханиад, томуу, амьсгалын замын өвчин хүрсэн үед яаралтай эдгээ.
13.Идээт өвчин, хордлогууд бөөрний өвчний үрэвслийг сэдрээдэг гэдгиг байнга санаж яв.
14.Хүчтэй антибиотик эм уухыг цээрлэ.