Унтахад хэмжээ байдаг
Ямар ч насны хүнд унтах хэмжээ гэж байдаг ажээ. Насанд хүрсэн хүн хоногт 7-8 цаг унтах ёстой. Энэ нь аль ч орны хүмүүст адилхан байна. Гэхдээ энэ нь дундаж цаг юм. Зарим хүн хоногт 10 цаг унтаж байхад нэг хэсэг нь 5-6 цаг унтаад л сэрдэг.
Хэрвээ
-Унтахын тулд орондоо хэвтчихээд 30 минутаас багагүй хугацаанд эргэж хөрвөөдөг.
-Өглөө сэрүүлэгний дуунаас эрт сэрдэг мөртөө хамгийн сүүлд унтахаар хэвтдэг.
-Сэрэнгүүтээ сайн унтаж амарч чадаагүйгээ мэдэрдэг.
-Шөнө дунд ямар ч шалтгаангүй гэнэт сэрдэг мөртөө яагаад гэдгээ мэддэггүй.
-Хүүхэд байхдаа л маш бага унтдаг байсан гэж ээж чинь ярьдаг бол чи унтах ёстой цагаасаа илүүгээр орондоо зүгээр л хэвтдэг юм байна.

Yүнийг хэрхэн зүгээр болгох вэ?
Yүний тулд
-Өөрийнхөө унтдаг байсан цагаа нэг цагаас багасга. Ийм байдлаар 2 долоо хоног унтах цагаасаа хасаарай. Энэ үеэр өдрийн цагаар нойр хүрч байвал шөнө унтах ёстой цагаараа сайн амарна гэсэн үг юм. Харин өглөөнөөс орой болтол бие тань хүндрэн нойр чинь хүрээд байвал цагаа дахин хасах хэрэггүй. Урьдынхаараа унтах цагаа барих хэрэгтэй.
-Энэ арга хүнд байж болно. Унтах цагаа 2-4 цаг болтол нь багасга. Yүний тулд орой яаралгүй орондоо ор. Энэ хооронд ном, сонин унших, шаардлагатай ажлаа амжуулан хийж ав. Өглөө эрт буюу 5-6 цагийн хооронд бос. Өглөө сэрэнгүүтээ босох хэрэгтэй бөгөөд эртлэн сэрсэн цагаараа дуусгаагүй үлдээсэн ажлаа амжуул. Энэ бүхнийгээ тэмдэглэл хөтлөн үлдээ. Ингээд тэмдэглэлээ 14 хоногийн дараа уншихад үр ашиггүй хэвтэх байсан цагаараа хичнээн ажил амжуулснаа мэдрэх болно. Энэ үеэр нойр тань хүрэхгүй байвал та маш их амжилтад хүрлээ гэсэн үг юм. Гэхдээ нойроо хэт хасаад ажлаа амжуулж байна гээд нойроо хангалттай авч чадалгүй ядарч байгаагаа мэдэлгүйгээр олон хоног явсан байвал гэнэт ядарснаа мэдрэх байх. Тэгвэл унтах цагаа хэт битгий багасгаарай.
Энэ хоёр арга нь өөрийн унтах нормоо тогтооход тустай бөгөөд нойрыг зохицуулахад нэлээд үр дүнтэй арга юм. Хүний бие организмд нойр хэр их шаардлагатай байна тэр хэмжээгээ шаарддаг болохыг анзаараарай. Шаардлагатай хэмжээнээс илүү гарсан цагууд хийж бүтээх үнэт цагаас хомслоод зогсохгүй, гаднах төрхөд тийм ч сайнаар нөлөөлөхгүй.
Хэдийгээр хоногийн 24 цагийн 10 цагийг нь унталгүй дэмий өнгөрөөдөг бол ямар нэг өвчний шинж тэмдэг илэрч байгаагийн шинж тэмдэг гэж мэргэжилтнүүд үздэг. Гэвч хэдий хэр унтах нь тухайн хүний биеийн онцлогоос хамааралтай байна.

Унтах хэм хэмжээ
Нойрыг нэг бүхэл үе гэж үзэж болохгүй юм. Учир нь хүний унтах нойроо авахыг хэдэн үе болгон хуваадаг. Эхний үед тухайн хүний бие организмын нэгээхэн хэсэг амарч тайвширч байхад зарим хэсэг маш сэргэг байдаг. Хоёрдугаар үе нь унтаж байгаа мэт болов чгадны дуу чимээ, орчин тойрноо мэдрэн сэрүүн өнгөц хэвтэх үе юм. Харин гургавдугаар үе бол хүн зүүдэлж гүн нойрсох тэр агшныг хэлнэ. Харин гүн нойрсолтын үед 90 минут тутамд нойрондоо юм хардаг ба энэ үеийг нүдний хөдөлгөөн хурдсах үе гэж нэрлэдэг байна. Энэ үед зүүдлэх зүүд нь эрчимтэй сэтгэл татахаар байсан ч маш богино хугацаанд үргэлжилдэг ажээ. Хэрэв нойроо гүн байлгахыг хүсвэл дараах аргуудыг хэрэглээрэй.

Хооллолт
Орой унтахаас өмнө идсэн хоолны найрлагад нүүрс ус цусаар дамжин ихэссэн тохиолдолд гүн нойрны үе алдагддаг байна. Иймээс оройн хоол зөвхөн уургаар баялаг байвал зохино. Харин хэт өлсөх нь нойрыг өнгөц болоход нөлөөлнө.

Амин дэмүүд
Кальцийн илүүдэл болон төмөр, В-гийн төрлийн амин дэмийн дутагдал хүний дутуу тайван бус амарч унтахад муугаар нөлөөлдөг байна. Харин магнийн дутагдал нь хүнийг унтаа байдалд оруулдаг байна.

Хөдөлгөөнт гимнастик
Байнгын хөдөлгөөнт гимнастик хийх нь хүний нойрыг багасгадаг ажээ. Тийм болохоор физик хөдөлгөөнт ачааллыг нойрондоо зохицуулан хийх нь чухал.

Дулаан
Хэрэв унтлагын өрөөний дулаан 24 хэмээс илүү байвал унтахад тийм ч хялбар биш юм. Харин унтлагын өрөө 18 хэмийн дулаантай байх нь хүний нойрсолтод нэн тохиромжтой.

Хажуугийн нөлөө
Хэрэв гэр бүлийнхээ хүнтэй хамтдаа нэг оронд унтдаг бол энэ нь нойр алдагдуулахад нөлөөлдөг. Учир нь гүн нойрсолтын үед хажуугийн хүн хөдөлж хөрвөөх, ханиах, хурхирах зэрэгт гүн нойрсолт сарниж улмаар нойр сэргэдэг байна. Хэрэв энэ нь шөнө дундын ид амарч байх үед олон удаа давтагдвал унтаж амрахад сайнгүй нөлөөлнө.

Оройн угаалга
Хэрвээ унтахаасаа өмнө халуун бүлээн усанд бүхэл биеэрээ орж өдрийнхөө алжаал ядаргааг тайлж чадвал энэ нь хамгийн сайхан нойрсолт болно.

Бэлгийн харьцаа
Насанд хүрэгчдийн нойр хүргэх амгийн сайн арга хэмжээ бол унтахын өмнөх хийх бэлгийн харьцаа юм. Бэлгийн харьцаа гүн нойрсолтод дээд зэргээр нөлөөлөх эм болдог.

Өглөө босоход хэцүү байдаг уу?
Хэрвээ сайхан унтаж амарсан ч гэсэн өглөө босох хэцүү байдаг бол энэ нь олон дахин давтагдвал сэрэнгүүтээ хамраа хоёр гараараа чимхэн аль болох удаан гэгч нь амьсгалаа түгж. Энэхүү үйлдэл нь цусан дахь нүүрсхүчлийн хий хуримтлалыг бий болгож ингэснээрээ тархины эд эсэд идэвхтэй нөлөөлдөг байна. Хамрын төгсгөл болон чихний ар тал дэлбээндээ иллэг хий. Энэ нь нойр бүрэн сэргэхэд маш сайн нөлөөлнө.