Дэлхийн аль ч орон, аль ч ард түмэнд багш хүн онцгой хүндэтгэл хүлээдэг. Тийм болохоор оюутан сурагчид багштайгаа эхэлж мэндэлнэ.
Оюутан хүн сургууль, багш, хамт олноо хүндэтгэж хичээлээс хожидохгүй байх нь эелдэг боловсон ёсны наад захын шаардлага мөн. Тэрчлэн хичээл, лекцэндээ цэвэр үзэмжтэй хувцаслаж ирэх ёстой.
Аргагүй шалтгааны улмаас хичээлээс хожимдвол учир байдлаа тайлагнан хичээл үймүүлэлгүй суудалдаа чимээ аниргүй шулуухан очиж сууна. Хожимдсон шалтгаанаа тайлбарлах хэрэгцээтэй бол хичээл завсарлахаар хэлнэ.
Оюутан залуус бол насанд хүрсэн, бие даасан хүний эрх эдлэх учир насанд хүрэгчдэд ногддог бүх үүргийг сахиж биелүүлнэ.