Орчин үед утсаар ярилцах явцад таны боон танай пүүс, компанийн ажлын зохион байгуулалт, сахилга бат, дэг журам хялбархан танигдах болно.
Утсаар албан ажлын төлөвлөгөө, санхүүгийн нууцтай холбоотой асуудлыг ярьдаггүй ба ямар ч тааламжгүй яриа яригдаж байсан ч та тун тайван байхыг хичээгээрэй. Ер нь зарим хүн нүүр тулан ярилцахаас зайлсхийж утсаар ямар нэг асуудлыг шийдвэрлэхийг хичээдэг. Yүнтэй холбоотойгоор та өөрийн дууны өнгийг дарж сурах хэрэгтэй.
Хэрэв таны залгасан дугаарын харилцагч утсаа авахгүй тохиолдолд түүнийг залхтал бүү дуудаарай. Гурав буюу түүнээс дээш удаа дуудаад байх хэрэггүй байдаг. Харилцах хүн чинь ямар нэгэн байдлаар утас авах завгүй байсан бол дараагийн залгалтанд авах болно.
Таны залгасан хүний утас автомат дуу хураагчтай бол та хэт нуршилгүй яриад уулзах, захих зүйлээ товч хэлээд өөрийн нэрийг хэлээд заавал хэлж бичүүлдэг.
Утсаар харилцах соёл нь утсыг аван мэндлэхээс эхэлдэг. Харилцуурыг авч буй этгээд өөрийн албан газар, компанийнхаа нэрийг хэлж …сонсож байна гэж яриаг эхэлнэ. Мөн ярилцаж буй хүнээ та хэмээн дуудах нь аятайхан сонсогддог бөгөөд асуултанд эелдгээр, товч хариулт өгч сураарай.
Яриа дөнгөж дуусмагц утсаа бүү тасал. Ингэх нь харилцуурын цаана байгаа хүнийг үл хүндэлсэн, салахын түүс болсон сэтгэгдэл төрүүлнэ.
Хэн бэ, Хаанаас ярьж байгаа юм бэ, Юу гэсэн юм гэх мэтээр харьцах нь эвгүй. Уучлаарай, тантай ярих хүн одоогоор эзгүй байна. Та хэлж дамжуулах зүйл байвал надад хэлж болно. Та түр азнаад залгахгүй юу, уучлаарай тэр одоогоор завгүй байна гэх мэтээр харилцах нь таны соёлыг илтгэх болно.
Утсаар олон нийтийн газар, автомашин дотор, гудамж талбайд байнга ярих, зааварчилгаа өгөх нь маш эвгүй. Ийм яриаг аль болох товч, бусдад саад болохгүйгээр хийхийг бодоорой. Ажил хэрэгч хүнээс гадна хамгийн зохион байгуулалт муутай менежерын утас байнга дуугарч явдгийг та мэдэхэд илүүдэхгүй.
Эцэст нь хэлэхэд хэт орой, хэт эрт утсаар бүү ярь. Нэгэнт ярих шаардлага гарвал заавал хүлцэл өчиж уучлалт гуйж, яриагаа маш товч, тодорхой болгохыг хичээгээрэй.