Угаалгын цэгүүд доод тал нь дөрвөн угаах машинтай. Машинууд 6-15 кг даацтай тул нэлээд хэдэн хувцас нэг удаадаа орчихно. Мэдээж та угаах зүйлээ өнгө өнгөөр нь ялгахыг юунд мартах вэ. Хувцас бүхэнд тань тохирсон угаалгын нунтаг тэнд байх тул гэрээсээ барьж ирвэл илүүц. Нэг угаалгын үнэ 1890 төгрөг бөгөөд угаалт тус бүрд нэг уут угаалгын нунтаг үнэгүй дагалдах юм билээ.
Дөрвөн хос цагаан хэрэгсэл, эсвэл 6-7 ширхэг жинсэн өмд нэг угаалтад багтдаг хэмээн үйлчлэгч бүсгүй тайлбарласан. Энд хүүхдийн хувцсыг тусад нь хийдэг гэсэн. Машин нь цэвэр гангаар хийгдсэн болохоор эрүүл ахуйн тал дээр ч санаа зовох зүйл үгүй бололтой.
Метро экспресс-д та ердөө 30-хан минутыг л зарцуулахад хангалттай гэнэ. Хэрэв угаасан хувцсаа хатаая гэвэл 90 минут байхад л хангалттай. Ингэхэд Метро экспресс-д 30 хормыг ч өнгөрүүлж амжихгүйгээр их ажилтай байвал та угаах хувцсаа орхиод л яваад өг. Эргээд ирэхэд тань үйлчлэгч залуучууд өөрийн юм шиг угаагаад, авч явахад бэлэн болгон эвхээд тавьчихсан байх вий.