Хэрэв хүүхэд уурлах үедээ чамайг цохих, маажих, хазар зэргээр авирлаж байвал энэ нь таагүй зүйл бөгөөд өвддөг гэдгийг ойлгуулна. Ер нь хүүхдээр өөрийгөө цохиулж хэзээ ч болохгүй. Зарим эцэг эхчүүд өөрийгөө цохиулаад худлаа уйлах зэргээр авирладаг нь буруу юм. Энэ нь хүүхдэд улам таалагдаж бүр зогсоо чөлөөгүй давтах болно.
Хэрэв хүүхэд үгэнд орохгүй байвал түүнийг аль нэгэн өрөөнд ганцааранг түгжиж шийтгэнэ. Буруу юм хийсэн хүүхэд уучлал гуйх ёстойг түүнд байнга сануул.
Хүүхэд уурлах юм уу таныг цохих, хазах үед хичнээн дургүйцсэн ч адилхан хариу барьж огт болохгүй. Уур хилэн, хүч чадлаар юмаэнд хүрч болохгүй гэдгийг ойлгуулах хэрэгтэй. Бүх асуудлыг хэл амаараа тайлбарлан ярьдаг болгож сургана.
Олон хүүхэд ямар нэг хориг тавихад маш их уурладаг. Жишээ нь гадаа зугаалж явахад машин зам руу явж болохгүй гэж хэлсээр байтал боломж л гарвал тийшээ зүтгэх нь бий. Чи түүнийг уурлаж загнана, тэр дахиад л гүйнэ. Ингээд түүний хамгийн их хүсээд байгаа бүхнийг чи хориглоод байгаа мэт сэтгэгдэл төрнө. Ингэхийн оронд хүүхдийг авто замаас хол газар аваачих хэрэгтэй. Ер нь сөргөлдөөнийг ухаантай нь зогсоодог гэдэг. Та жаахан хүүхдээс илүү ухаантай биш гэж үү?