Японд бүр хүүхэд байх үеэс нь эхлэн хамт олон, бүлэг хэсгээрээ ямар ч зүйлийг бүтээж болно гэж хүмүүжүүлдэг. Энэ нь тэднийг багаараа ажиллаж амжилтад хүрэхэд нөлөөлдөг.
Өрнийн бизнесменүүд тэдэнд үргэлж гомдоллож харилцахад түвэгтэй хүмүүс гэж тодорхойлж байхад, энэ нь япончуудын хувьд түншээ таньж мэдэх чухал үйл явц юм.
Тантай анх уулзсан төлөөлөгч нь хэлэлцээр дуусан дуустал түүнд оролцдог. Хэлэлцээр хийхдээ янз бүрийн мэргэжлийн хүмүүсээс бүрдсэн багаар ордог. Yүнд оролцож байгаа хүний тоо нөгөө талаас ихэнхдээ даваа байдаг.
Төлөөлөгчдийн нэгж, багийн гишүүн бүр өөрийн мэргэжлийн хүрээний асуулт тавьдаг бөгөөд харин эцсийн шийдвэрийг гагцхүү багийн удирдагч гаргана. Шийдвэр гаргахдаа дандаа зөвшилцдөг.
Баг нь хичнээн ч хүнтэй байсан төвөөсөө байнга захирамж авдаг учир анхны буюу хоёр дахь уулзалтаар ямар ч шийдвэр гаргахгүй. Энэ тохиолдолд хоёр дахь уулзалтанд дахин шинэ баг ирдэг.
Хэлэлцээр хийхдээ тэд өрнийнхнийг бодвол нэг их уян хатан байж чаддаггүй. Төвтэйгөө зөвлөлдсөний дараа л шийдвэр гаргана. Энэ нь барууны ажил хэргийн хүмүүст их түвэгтэй санагддаг.
Тэд нэлээд их болгоомжтой хүмүүс бөгөөд зөвшилцөхийн тулд яриа хэлэлцээрийг удаашруулдаг аргатай. Хэлэлцээр бүрт өөр өөр сэдвээр ярилцах нь элбэг. Гэхдээ энэ үед тэд ажлаа л бодож байдаг. Хэлэлцээрийг зохистой байлгахыг их хичээдэг. Мөн уулзалтын хооронд албаны бус харилцаа тогтоох дуртай.
Заримдаа тэд уулзалтанд том тушаалын хүн оруулж түүнтэйгээ зөвлөлддөг нь нөгөө талыг тулгамдуулдаг. Ингэвэл та япончуудыг нэлээд бэрхшээлтэй тулгарч байна гэж ойлгож болно.
Сэтгэл хөдлөлөө тэд ил гаргадаггүй. Энэ чанарыг барууныхан хүйтэн хөндий гэж дүгнэж байхад, өөрсдөө үүнийгээ шал өөрөөр тайлбарладаг.

Япон үндэстний нийтлэг шинж чанар
-хөдөлмөрч, шаргуу
-гоо зүйн нарийн мэдрэмжтэй
-ёс заншлаа сүсэглэн баримталдаг
-ямар нэг зүйлийг өөрийн болгон өөрчлөх
-өндөр сахилга баттай
-нэр хүндэд үн.энч
-үүрэг хүлээх хатуу хариуцлага
-эелдэг, нямбай
-дээд зэргийн даруу зан
-өөрийгөө эзэмдэх, биеэ барих чадвар
-аж ахуйч, хямгатай
-сониуч, бүтээлч эрэл хайгуул
-хамт олон, бүлгээрээ зохицон ажиллах тэмүүлэл зэргээрээ өрнө төдийгүй дорнынхоос ялгарч байдаг. Гэхдээ хамт олны дунд та өөрийгөө зүгээр оролцогч бус, харин манлайлагч, тэргүүлэгч, дор хаяад өөрийнхөө үүргийг гарамгай баатарлагаар гүйцэтгэгч байх ёстой гэж багаас нь номлодог.
Хэлэлцээр хийхдээ их соёлтой бөгөөд бусдыг тэвчээртэй сонсож чаддагаараа алдартай.
Япон компани нэгэнт шийдвэр гаргасан бол түншээ яаруулдаг. Энэ талаар тэд их яаруу улс.
Тэдэнд хүндэтгэл үзүүлэн харьцаж эхэлбэл их дуртай. Хэрэв тэдэнд боломжийн шаардлага тавибал тэд ч асуудал, шаардлагаа эргэн харж нэлээд өөрчилдөг тал бий.
Өнгөрсөн зууны сүүлчийн арван жилд Япон улсын эдийн засгийн хөгжилдөө олсон гайхамшигт амжилт нь онцгой анхаарал татам бөгөөд Японы менежментийн аргуудыг бүх дэлхийд ашиглаж байна.