Бидний хэлж заншсанаар Өмнөд Солонгост одоогийн байдлаар 20 орчим мянган нутаг нэгтнүүд минь ажиллаж байна гэсэн тооцоо бий. Явах хүсэлтэй хүмүүсийг хуучнаар Ардын эрх гэж нэрлэгддэг Өнөөдөр сонины байранд бүртгэж байгаа. Мэдээж энд бүртгүүлж буй хүмүүс бараг бүгд солонгос хэлний анхан шатны мэдлэггүй байдаг.
Хэрвээ та Солонгос явахыг хүсч байгаа бол тухайн газарт очоод тун түрүүнд ямар бичиг баримт бүрдүүлэх шаардлагатай байдгийг мэдэх шаардлагатай. Бүртгэлийн ажилтнууд танд хэрэгтэй мэдээллийг тань өгсний дараа бичиг баримтаа цуглуулаад анкет бөглөнө. Солонгос дахь ажил олгогчдод энд бүртгүүлсэн хүмүүсийн материалыг явуулж тэд сонголтоо хийнэ. Ингээд таны нэр дээр урилга ирвэл та хэлний бэлтгэлээ хангаад, мөнгөө төлж 20 мянган нутаг нэгтнийхээ араас явах эрхтэй болно гэсэн үг.
Хэрвээ та өөрөө хувиараа очиж, ажиллах гэж байгаа бол Солонгосын элчинд визний мэдүүлгээ өгөх хэрэгтэй. Гэхдээ хүссэн бүхэн виз аваад байж чаддаггүйг санахад илүүдэхгүй биз. Учир нь Солонгосын тал манай иргэдийг ажил хийхээр явж байгааг мэдэж байгаа учир хараар үлдчих вий гэсэн сэжиг үргэлж төрдөг. Бизнесийн, ажлын, оюутны гээд бусад орны адилаар хэд хэдэн төрлийн виз бий. Мэдээж иргэний болоод жолооны үнэмлэх, ажил, сургуулийн тодорхойлолтын хуулбар зэргийг нотариатаар баталгаажуулсан байх шаардлагатай. Хэрвээ таны аз таарвал 3000 бус, ердөө 30 ам.доллараар Солонгос орныг зорих болно.
Тайвань улсын хувьд гэвэл саяхнаас эхлэн Засгийн газар гэрээ байгуулсны дүнд тус улс руу ажилчид явуулахаар болсон. Одоохондоо нийслэл хотноо бүртгэл явагдаж байгаа бөгөөд цаашдаа Дархан, Эрдэнэт хотуудад бүртгэлээ явуулах юм. Энэ тухай сонирхож байвал НХХЯ-нд хандах хэрэгтэй. Учир нь тус яамнаас энэ ажлыг эрхлэн явуулж байгаа юм .

Карт нь орох болон гарах гэсэн хоёр хэсэгтэй бөгөөд БНСУ-д нэвтэрч буй хүн бүр хоёуланг нь англи хэл дээр, дармал үсгээр бөглөх шаардлагатай. Бөглөсөн картаа гадаад паспортын хамт Цагаачлалын албаны хүнд өгнө. Хэрэв та 90 хоногоос дээш хугацаагаар БНСУ-д байх бол тухайн дүүргийн Цагаачлалын алба болон түүний салбарт бүртгүүлэх шаардлагатайг анхаарна уу.
Arriүal card Орох хуудас
Surname Овог
Giүen name Нэр
Date of birth Төрсөн он, сар, өдөр
Male эр, Female эм
Nationality Yндэстэн /Mongolian/
Passport No Гадаад паспортны дугаар
Address in Korea Солонгос улсад байх хаяг
Occupation Эрхэлж буй ажил
Purpose of үisit Аяллын зорилго
Last city / Port of Boarding Хаанаас ирсэн
Flight No Нислэгийн дугаар / ОМ903, эсвэл ОМ501
Signature Гарын үсэг
/Шинэ эрин сэтгүүл, 2004.06 сар/