Цонхигор царайгүй л бол цагаан өнгө бүх эмэгтэйд зохидог. Бусад бүх өнгөтэй ч хоршино.
Саарал өнгө ямар ч насны эмэгтэйд зохих бөгөөд бараг бүх өнгөтэй хорших боловч хар, улаан хоёртой илүү сайн хоршдог ажээ.
Мөн хар өнгө ямар ч насны эмэгтэйд биеийн галбираас хамаарахгүй зохидог байна. Аливаа цайвар өнгөтэй хоршино.
Хар хүрэн үстэй, цайвар царайтай хүнд улаан өнгө зохи но. Гэхдээ улаан өнгө нь гагцхүү хүрэн үстэй хүмүүст л зохидог гэвэл тийм биш ажээ. Хэрэв хүрэн үстэй эмэгтэй нас залуу, цэвэр тунгалаг царайтай бол улаан, хундан улаан, улаан ягаан өнгө царайны өнгийг нь улам тодотгодог ажээ.
Хөх цэнхэр өнгийн даавуу цайвар үстэй, нимгэн царайтай эмэгтэйчүүдэд зохино. Эдгээр өнгө цагаан саарал, цайвар шар өнгөтэй сайхан хоршиж зарим үед хар өнгөтэй нийцдэг байна.
Шар өнгө хүрэн үстэй цайвар боловч цонхигор биш царайтай эмэгтэйд зохих бөгөөд хурц тод байдлаар янз бүр хүрэн ногоон, хөх өнгөтэй хоршиж болно. Зарим үед шар өнгө цайвар үстэй эмэгтэйчүүдэд хачин сайхан зохидог. Энэ тохиолдолд бүр цагаан цайвар үстэй эмэгтэйчүүдэд л зохих ба янз бүрийн бүдэг тод ногоон, хөх өнгөтэй хоршино.
Ногоон өнгө цайвар, хүрэн үстэй эмэгтэйчүүдийн аль алинд нь зохино. Цайвар ба бараан ногоон өнгө нь шар, мөнгөн саарал, саарал болон бүх төрлийн хүрэн өнгөтэй сайхан зохицно. Ногоон ба хүрэн өнгийн хослол бараан үстэй эмэгтэйчүүдэд бүр илүү зохино.
Цайвар бор үстэй эмэгтэйчүүд хүрэн ба цайвар үстэй эмэгтэй хүний аль алинд зохицох өнгийг хэрэглэж болох бөгөөд ингэхдээ хувцас, гоёл чимэглэлийн дулаан өнгө нь үсний нь өнгөтэй нийцэж байх ёстой.
Элгэн хүрэн үстэй, тэр байтугай бараан хүрэн үстэй хүнд ч шав шар ба час улаан өнгө хэрэглэхийг зөвлөхгүй. Гэхдээ цайвар шар ба сүрлэн шар өнгө шинж чанараараа цайвар ба бараан биш хүрэн өнгөтэй зохицдог.