Тиймээс та
-Нойр муутай хоносон, ядарсан, төрөл бүрийн тайвшуулах болон нойрны эм хэрэглэсэн, сэтгэл санаа тавгүй үедээ жолоо барихаас татгалзах
-Хурдаа тохируулж явах /хэтрүүлэхгүй байх/
-Бусадтай ярих, дуулах, машины радиогоор дуу хөгжим чангаар тавих зэргээр жолооч анхаарлаа сарниулахгүй байх
-Завсарлагаагүй, удаан хугацаагаар /2 цагаас илүү/ жолоо барихаас татгалзах, холын замд өөр хүнтэй ээлжилж барих
-Жолоо барьж байх үедээ согтууруулах ундаа хэрэглэхгүй байх
-Согтууруулах ундаа хэрэглэхээр төлөвлөж байгаа бол машинаа гэртээ орхих
-Ямар нэг байдлаар согтууруулах ундаа хэрэглэсэн нөхцөлд хөдөлгөөнд оролцохгүй байх, эсвэл машин барих эрх бүхий өөр хүнээр машинаа бариулах
-Унадаг дугуй болон мотоцикльд цацруулагч хэрэглэх. Эдгээр нь ослыг 1015 хувиар бууруулах хямд төсөр арга юм.
-Унадаг дугуй, мотоцикл унаж яваа хүмүүс хамгаалалтын малгай өмсөж занших.
-Хүн бүр тээврийн хэрэгсэл хөдлөхөөс өмнө хамгаалалтын бүс хэрэглэж занших. Хамгаалалтын бүсийг сул, мушгиралдуулж зүүж болохгүй.

Жолоо барьж явахад…
Хэрэв таныг машин барьж явах үед болон явган зорчиж байгаа үед зэргэлдээ явж байгаа машин
-алсуур эргэх
-шаардлагагүй үед дуут дохио өгөх
-гол зам дээр эргэлзэх, зогсох
-хурд хэтрүүлэх, эсвэл хэт удаан явах
-урд талд нь яваа тээврийн хэрэгслийг дагаж яваад байх
-ямар нэг байдлаар замын дохионуудад хариу өгөх чадвар сулрах
-харанхуйд машин гэрэлгүй явах
-хүйтний улиралд цонхоо онгорхой явах зэрэг үйлдэл хийгээд байвал та түүнийг согтууруулах ундаа хэрэглэсэн байж магадгүй гэж сэжиглэж болно.
Энэ тохиолдолд та Замын цагдаагийн газар мэдэгдэх нь жолооч болон явган зорчигчийг ослоос сэргийлэх ач холбогдолтой гэдгийг ямагт санаж яваарай.

Та жолооныхоо ард суухаасаа өмнө дараах зүйлд анхаарлаа хандуулна уу.
1.Согтууруулах ундаа хэрэглэж жолоо барина гэдэг бол гэмт хэрэг. Архи нь таны
-тархины үйл ажиллагааг удаашруулна
-ухааныг чинь сааруулна
-хуурамч итгэлийг төрүүлнэ
-таныг нойрмог байдалд оруулна. Ингэснээр та өөрийгөө болон бусдыг осолд оруулах аюултай.
2.Жолоо барьж байх үедээ хурд хэмжигчээ байнга анхаарч хурдаа тохируулж явна уу.
Та хурдаа хэдийчинээ хэтрүүлж явбал ослоос зайлсхийх хугацаа төдий чинээ бага болно.
3.Замын дохионуудыг анхааралтай ажиглаж яв.
4.Сургууль болон хүүхэд ихээр төвлөрсөн газар анхаарлаа нэмэгдүүл.
-Хүүхдүүд зам хөндлөн гарахдаа тэр болгон тээврийн хэрэгслийг анзаардаггүй.
-Хүүхдүүд насанд хүрэгчидтэй ижил хурдаар гүйж чаддаггүй.
-Хүүхдүүд тээврийн хэрэгслийн дууг өөр зүйлээс тэр болгон ялгаж чаддаггүй.
5.Өсвөр насны хүүхдүүд, өндөр настай хүмүүсийн хажуугаар болгоомжтой өнгөр. Тэд хамгийн их авто осолд өртдөг.
6.Зочид буудал, баар ресторан, диско клубын дэргэдүүр согтууруулах ундаа хэрэглэсэн явган зорчигч ихээр явдаг тул эдгээр газрын хажуугаар болгоомжтой яв.