Амьдралын эрчмийг агуулна гэдэг нь монголчууд бид элгээрээ энх амгалан, элэг бүтэн, элэг дэвтэх гэх мэтээр ярьдаг. Ингэж ярьдаг нь цаанаа их нарийн учиртай. Элэг буюу ходоод гэдэсний хавьд наран сүлжээний төвшин гэж байдаг. Тэнд амьдралын эрчмийн нарийн сүлжээ, солилцоо явагдаж байдаг. Нэг үгээр бол тэр хэсгээс хүний биеийн дулаан ялгарч байдаг юм.
Элэг бүтэн гэдэг нэршлийг авч үзвэл бүгдээрээ хамтдаа сайхан байхыг хэлж байгаа. Тийм байхад хүнд аятайхан таатай байдал үүснэ. Тэр таатай орчин бүрдэж байгаа нь элэгнээс дулаан ялгарснаас хүний бие махбодь, тархи оюунд тун таатай мэдрэмж очиж байна гэсэн үг юм. Элэг гэдэг эрхтэн өөрөөсөө ийнхүү эрчим энергийг гаргаж сэтгэл санааг дагаж хувирдаг чухал эрхтэн учраас иймэрхүү монгол нэршлийн утга учир нь хүртэл элэгтэй холбогдон хэлэгдэж тайлбарлагддаг.
Зах зээл эхэлснээс хойш хүмүүс оюун санааны харьцангуй их ачаалалтай, хямралтай орчинд байх болсон. Ингэснээр хүмүүсийн дунд үүнийгээ дагаад элэгний өвчин ихсэж байгаа гэхэд болно. Нэг ёсондоо элэг гаднаас ирэх тэр их ачааллаас үүсэн гарах хорыг ялгаруулж дийлэхээ больж эхлээд байгаа юм.
Элэг болон хэвлий орчмоос дулаан ялгарснаас хүнд аура гэдэг дулааны нэг зүйл бий болдог. Хүний халуун суудал дээр сууж болохгүй гэдэг нь ийм учиртай. Хоёр өөр хүний халуун энерги хоорондоо харш байдаг. Ингэснээр хүнд байгаа өвчинг нь авчихдаг. Тиймээс элгийг хямралд өртүүлэхгүй, сэргийлэхийн тулд байнга хийж байх дасгалуудыг хэлье. Тодорхой цагт, тогтмол зөв хийж чадвал эдгээр дасгалууд таны элгийг өвчлөлт, өөрчлөлтөөс хамгаалж чадна.

а/ Хятадын Даогийн бясалгалын арга /дотоод инээмсэглэл/
Эрхтэн рүүгээ инээж, уйтгар гунигаа зайлуулдаг гэсэн үг.
1.Сандал дээр тэгш сууна.
2.Улнаасаа газраас ирэх энергийг мэдэрнэ.
3.Хэлээ тагнайдаа хүргэн гараа өвдөг дээрээ тавьж суугаад өөрөөсөө 1 см зайд инээмсэглэлийн энергийг бий болгоно. Энэ үедээ инээдтэй, эсвэл хамгийн сайхан зүйлээ бодож сэтгэлээ чөлөөлнө. Өөрөө маш тайван чөлөөтэй амгалан орчинд байгаа юм шиг байна.
4.Хөмсөгний хооронд мэдэрч, тэр нь чиний эргэн тойронд энерги авч байна гэж бодно.
5.Элгээ хүн шиг сана. Элгээ инээж байна гээд элэг рүүгээ харж инээ.

б/ Авиагаар элэгний үйл ажиллагааг тайвшруулах дасгал
1.Хэлээ тагнай руугаа наана
2.Удаан, урт амьсгал гаргахдаа ш-ш-ш-ш-ш-ш гэж 6 ш үсгийг нийлүүлж хэлнэ.
Амьсгал авах хоорондоо элэг рүүгээ инээх юм. Энэ үедээ элэгнийхээ орчимд гадуур тод ногоон өнгийг төсөөлж хараарай.
Эдгээр дасгалыг хийхдээ та өөртөө итгэлж байж чадваас сайн үр дүн гарах болно шүү.