Та баян хүн биш бол үүнийг мэдэхгүй байж болно. Гэвч хүний ажиллах чадвар нь хүн бүрт байдаг хамгийн үнэтэй баялаг нь билээ. Энэ баялгаа ашиглаж сурах хэрэгтэй. Таны олж байгаа мөнгөний хэмжээ бол хар багаасаа ажиллах чадвараа хэрхэн хөгжүүлсний хэмжүүр болж байдаг.
Хүн бүрт өөр нэг том хөрөнгө байдаг нь цаг хугацаа юм. Таны зарж зарцуулах эрхтэй хамгийн том хөрөнгө. Та ажилд хичнээн цагийг зарцуулж хоногт танд ногдсон хугацааны хичнээнийг нь зөвхөн ажилд зориулж байгаагаас мөнгө олох чадвар тодорной. Цагийг ашиглаж чадахгүй байх нь аль ч хүний хөдөлмөрийн бүтээмжийг асар муу болгодог.
Судалгаанаас үзвэл цагийг хамгийн үр ашиггүй үрэгчдийн тоонд наймаачид ордог ба ажлын цагийн дөнгөж 20 хувьд нь үндсэн ажлаа хийдэг. Тэд өдөрт дөнгөж 2 цаг л жинхэнэ ажилчидтайгаа уулзаж ярилцдаг байна. Yлдсэн үнэт цагаа эвшээж суух, хэн нэгэнтэй чалчих, ном сонин унших, утсаар ярих, гарч орох зэргээр үрдэг ажээ.
Өөрийн болон компанийн цаг идэгчдийн жагсаалтыг менежерүүд удаалдаг ажээ. Менежерүүдийн 95 хувь нь ажлын 8 цагийн дөнгөж дөрөвт нь ажилладаг байна.
Цаг, мөнгө хоёр нэг талаараа адил. Хэрэв тэднийг үрэх юм бол эргэж ирэхгүй алга болно. Харин тэднийг хөрөнгө оруулалтанд ашиглах юм бол ашиг олсноор дахин дахин эргэлдүүлдэг. Эсвэл та цаг, мөнгө хоёроо өөрийн мэдлэг боловсролд зарцуулж болох ба энэ нь мөн сайн хөрөнгө оруулалтанд тооцогддог. Тэрхүү зузаарсан мэдлэгээ үйл ажиллагаандаа хэрэглэснээр улам илүү ашиг орлого олох ёстой. Өөртөө зориулсан мөнгө бол хамгийн сайн хөрөнгө оруулалт гэж ярьдаг нь дэмий хэрэг биш юм.