Булчирхайн үйл ажиллагааны дутмагшил, чийгээ хурдан алдах, буруу арчилгаа, гадны нөлөө зэрэг олон хүчин зүйлээс хамааран арьс хуурайшина. Ходоодны үрэвсэл, витамины дутагдал, антибиотик их хэрэглэснээс арьс хуурайших тохиолдол ч байдаг.

Өглөө цэвэрлэх
Өглөө нүүрээ угаахаас өмнө цөцгий, ургамлын тос, өөрөө бэлтгэсэн халуун ногоогүй майонез зэргийн аль нэгийг түрхэж зөөлрүүлнэ.
1.Yдэш ус буцалгаж бэлтгэнэ. Өглөө буцалсан усан дээрээ сүү нэмээд нүүрээ угаана.
2.200 гр буцламгай усанд нэг хоолны халбага ургамлын хатаамал /халгай, балжингарам, яншуй, сарнай/ хийж 20 минут хандлан шүүгээд нүүрээ угаана.

Yдэш цэвэрлэх
1.Буцламгай халуун ус буюу халуун сүүн дээр грекулес хийж сайтар хутгаад хөргөнө. Нүүрэнд зуурмагийг зузаахан нялаад 20 орчим минутын дараа лимоны шүүстэй буцалгаж хөргөсөн усаар, эсхүл шинэхэн сүүгээр угаана.
2.Намар, өвлийн улиралд ямар нэгэн ургамлын шинэ тосоор цэвэрлэж болно. Хөвөнг буцалсан халуун усаар норгож базаад, дараа нь ургамлын тосонд дүрж нүүрээ арчина. 2-3 минутын дараагаар тосны үлдэгдлийг салфетканд шингээж авна.
3.Өндөгний шар уургийг жимсний шүүс ба ургамлын тостой хольж сайтар хутгана. Бэлдмэлийг хөвөнд бага зэрэг шингээж эхлээд нүүрээ арчиж цэвэрлэнэ. Дараа нь хөвөнд нэлээд хэмжээгээр шингээн нүүрэндээ тавьж 2-3 минут байлгаад тасалгааны температуртай усаар угаана.

Хоол
Өдөр бүр ургамлын тостой салат идэх. Жишээ нь үрж жижиглэсэн лууванг ургамлын тостой буюу цөцгийтэй хольсон салат, витамин С, А-гаар баялаг өндөгний шар уураг, элэг, ногоон сонгино зэргийг хоол хүнсэндээ тогтмол хэрэглэнэ.