2.Тунгалаг ба шингэн суурь өнгө
Энэ нь голдуу шахдаг, олгойнцор савтай байх ба бага хэмжээний тос ба пудр агуулдаг. Арьсыг хялбар жигд бүрхэж чадах боловч үрчлээ, бэрсгэр толбыг далдалж чаддаггүй ба тослог арьсанд илүү тохиромжтой.
3.Тослог суурь өнгө
Энэ нь бидний өргөн хэрэглэдэг шилэн ба хуванцар саванд савлагдсан агаад их хэмжээний чийглэгч, мөн тос агуулдаг учир хуурай арьсанд тохиромжтой. Тослог суурь өнгөөр үрчлээтэй, цочиромтгой арьсыг дарж жигдрүүлэх боломжтой.
4.Шахмал суурь өнгө
Пудрын саванд пролон түрхэгчийн хамт байх ба будах, өө сэв дарах чанараараа бусад суурь өнгөнөөс хамгийн давуу байдаг. Энэ нь пудр шиг үйлчилгээтэй боловч удаан тогтох чадвараараа илүү. Yүнийг хэрэглэхдээ түрхэгчийг нь бага зэрэг чийглэж хэрэглэвэл арьсыг онцгой сайхан харагдуулна.
Бусад зөвлөмж Таны суурь өнгө арьсны чинь өнгөтэй ойролцоо байвал сайн бөгөөд хүзүүний чинь арьснаас ялгарахгүй байх ёстой. Цочиромтгой хэвийн бус арьсанд суурь өнгө тавихаас татгалзах хэрэггүй. Чанартай сайн суурь өнгө арьсны чинь таагүй байдлыг далдлахын хамт хамгаалалт, эмчилгээний ач холбогдлыг агуулдаг. Суурь өнгө таны нүүр царайд сэтгэл булаам увдисыг шингээж өгнө.