За энэ ч яахав… Би заримдаа, Чи яаж ингэж чадаж байна аа гэж өөрийгөө гайхдаг. Гэвч амьдралд энэ байтугай зүйл байдаг ш дээ. Би ангийнхаа нэг залууд маш сайн, тэр ч бас надад хайртай.
Бид хоёр найзлаад удаагүй байгаа. Тэр маань миний анхны хайр гэдэгт би эргэлздэггүй. Халаас нимгэн ч, сэтгэлийг минь эзэмдсэн оюутан залуу. Өгөөмөр гартай ч, хайр татахааргүй хөгшин баян. Ийм хоёр эрийн дунд би, амьдралаа тэжээж, сэтгэлээ дэвтээж явна даа.

Миний Скарлет О’Хара
Миний уншсан нэгэн номонд гардаг гол баатар бол дайчин, зоригтой, зөрүүд, дураараа зантай боловч эмэгтэй хүний хамгийн нандин сайхан чанаруудыг агуулсан зөөлөн сэтгэлтэй, ухаалаг, гоо зүй, урлагийн өндөр мэдрэмжтэй, сайхан дүр юм. Гэтэл би яг л түүн шиг бүсгүйд дурлачихлаа. Амьдралын төлөө ирмүүн байдаг нь надад маш их таалагддаг.
Түүнийг олон жилийн өмнөөс таньдаг боловч надад таалагддаг тухайгаа хэлэх зориг, хүрээгүй юм. Саяхан нэгэн баярын үеэр бид тааралдаад хамтдаа нэг газар ярилцаж суухад, биднийг нэгтгэдэг олон хүсэл, тэмүүлэл, мөрөөдөл байдгийг мэдлээ. Намайг ч тэр хардаг байж. Уулздаг болсон. Түүнийг хөөрхөн царай, ухаалаг яриа нь надад үгүйлэгдэх боллоо. Хайрын тухай жүжиг шиг л байна.
Гэхдээ хамгийн азгүй нь эмгэнэлт жүжиг. Бид тус бүр, амьдралтай. Яаж, хэзээ, хаана уулзах тухай бодол нь өдрийн бодол шөнийн зүүдийг бүр шог хошин жүжиг болон хувиргаад байна. Миний амьдрал жүжиг гэж бодход гол дүр үү, туслах дүр үү эсвэл үзэгдэл үү гэдэг бодол нь намайг маш их зовоох юм.
Биний хайр бенгалийн гал шиг битгий байгаасай гэж хүсэх юм. Гэхдээ цаг хугацаа үгээ хэлэх биз дээ.

Хүслэн болсон охин минь
Би сүүлийн үед өөрийнхөө яагаад байгааг ердөө ч ойлгохоо байлаа. Ёстой нөгөө толгой нь эргэсэн амьтан гэдэг чинь би, эсвэл энэ хэрээс хэтэрсэн эцэг хүний хайр. Түүний тухай цаг үргэлж бодох юм. Тэр гэдэг нь миний дагавар охин. Надаас 21 насаар дүү, би түүнийг яг л жаахан баньд шиг л хайрладаг. Түүнийг нэг хоног л харахгүй бол би үхэх гэж байгаа юм шиг болдог. Эсвэл уурлаж бухимдан байж яддаг. Харахаараа сэргэж, дуулмаар, уулыг ч өргөмөөр санагддаг. Яг л дурлалдаа шатаж байгаа жаахан банди шиг. Энэ тухайгаа би хэнд ч цухуйлгахыг хүсдэггүй. Намайг усан тэнэг, шар сэмжилсэн гэх байх л даа.
Би 10 жилийн өмнө энэ айлын эзэн болсон. Охин маань тэгэхэд 16 нас хүрчихсэн байсан. Яг л цэцэглэж буй яргуй шиг ялдамхан, тэгсэн хэрнээ бүрэг ичимхий түүний төрх, ийм сайхан охиноор бахархах сэтгэл төрүүлж байсан. Гэтэл тэр нүдэн дээр минь торнисоор, хүүхэн хүний бүхий л шинжийг агуулсан сэрэл хөдлөм, сэтгэл уярам бүсгүй болж байлаа.
Түүнийг ганцхан би олж хараагүй, охиныг минь хайрлах, бүр хайрыг нь булаах залуу гараад ирлээ. Гэвч тэр олиггүй нэгэн болох нь бидэнд мэдэгдэж эхлэснээр, ээж бид хоёр нь ятгасаар түүнээс салгаж авсан. Одоо охин минь сэтгэл гонсойн суугаа нь намайг бүр их зовоох боллоо.
Би түүнийг эцгийн хайраар, түүнд дурласан эрийн хайраар тэврэн авч аргадмаар, бүр үнэн сэтгэлээсээ хайрламаар санагдах юм.

Болдог бол түүнийг нь …
Хүн амьтны яриа, сонин сэтгүүлээс чалх муутай, бэлгийн сулралтай гэдэг гомдол, эмзэглэлийн тухай л байнга сонсож, уншдагсан. Гэтэл үүний эсрэгээр байвал яах вэ?! Хэзээ ч ханаж цаддаггүй, эцэж цуцдаггүй эр нөхрөөсөө залхаж, гомдолловол… Магадгүй, зарим хүмүүс үүнийг жинхэнэ диваажин, жаргал гэж бодох байх даа. Yгүй дээ, энэ бол миний хувьд харин ч жинхэнэ там. Хүүхдүүд маань 11, 14 настай том болчихсон л доо. Бүгдийг ойлгож, мэдэрдэг насан дээрээ яваа хүүхдүүд. Гэтэл нөхөр маань, ядаж хүүхдүүдээсээ ичдэг байгаа даа.
Энгэр цээж рүү минь гараа хийж, ууц нуруу, өгзөг хондлой илж таалан, эсвэл алгадаад авна. Орой болонгуут, яагаа ч үгүй эрт орондоо орчихно. Би хүүхдүүдтэйгээ телевиз үзэх дуртай, бас тэдэнтэйгээ ярьж хөөрөх зүйл бишгүй л байдаг. Гэтэл тэнд, унтлагын өрөөнд боож үхэх дөхсөн нэг хүн. Тэгээд л эцэс төгсгөлгүй, дуусашгүй шөнө үргэлжилдэг. Бараг орой бүр л согтуу ирдэг. Архи хүний чалхыг бууруулдаг гэдэг үг манай хүний хувьд лав үгүй юм шиг.
Эндээс гарах гарц нь салалт гэж хэн ч хэлэх байх л даа. Салаад би хаачих вэ? Хоёр хүүхдээ яаж тэжээх юм. Нөхөр маань мөнгө олж, амьдралаа авч явахын хувьд болгоод л байдаг юм. Бусдаас илүү гарахгүй ч, дутах юмгүй байлгадаг нь үнэн. Ганцхан адгуус шиг шүлэнгтэх, эцэс төгсгөлгүй шөнүүдийг би тэвчиж чаддаггүй юм. Болдог бол түүнийг нь хөнгөлчихмөөр санагдах юм. Би цаашид өөрийгөө яах бол гэдгийг бодохоос ч айдаг.

Эхнэрийнх нь өгч чадаагүй бүхнийг
Би 23 настай, төгсөх курсийн оюутан. Эхнэртэй эрд ухаангүй дурлачихсан амьтан. Би Б-дээ маш их хайртай. Түүнийг бодох тусам, эхнэр хүүхдээс нь ч хүртэл харамламаар санагддаг. Амьдрал бид хоёрыг хожуу учруулсанд бухимддаг ч, хувь заяатайгаа эвлэрдэг. Эхнэр, хүүхэдтэй хүнд дурлачихаад, санахын жаргал, хүлээхийн зовлонг эдлэж суух гэж дээ. Би цаашдын амьдралаа түүнгүйгээр төсөөлж ч чадахгүй. Гэхдээ би зөвхөн дотроо л бодож, шаналдаг.
Yүнийгээ ил гаргадаггүй, Б-д ч хэцүү байдгийг би мэднэ. Түүнийг гэрт нь тогтоодог ганц зүйл бол бяцхан охин нь. Бурхан бүгдийг тэнцүүлдэг гэдэг үнэн байх аа. Ийм сайн, сайхан залууд тийм ч эхнэр заяах гэж… Би Б-дээ эхнэрийнх нь өгч чадаагүй бүхнийг өгөх гэж хичээдэг.

Ганц бие ээж
Би аравдугаар ангид сурдаг. Өөрт тохиолдсон нэг зүйлийн тухай би заавал бусдад мэдэгдэхийг хүссэн юм. Би их боломжийн айлын хүүхэд л дээ. Аав ээж маань хувийн том компанитай, сар бүр надад халаасны мөнгө гэж нэлээдгүй хэдэн төгрөг өгдөг. Өнгөрсөн намар миний төрсөн өдөр болж, би найз банди нартайгаа Кассабланка-д сууж наргиж байгаад цаашлан, хүүхэн авч зочид буудалд орцгоосон. О харахад 20 гаруй насны маш аятайхан бүсгүй байсан. Тэр шөнө бүх юм маш гайхалтай болж өнгөрсөн.
Долоо хоногын дараа 9 сарын 1 болж, хичээлийн шинэ жилийн нээлтэн дээр 10-р ангийнханд, 1-р ангийн бяцхан дүү нар маань цэцэг өгөх боллоо. Тэгтэл нэг эгдүү хүрэм хөөрхөн хүү надад цэцэг өгсөн.
Тэгээд дараа нь бас л тэр жаал бид хоёр анхны хонхыг цохих тохиол таарсан. Ингээд тэр өдрийн хичээлийн дараа сургуулийн гадаа нөгөө хөөрхөн бандитай тааралдсан. Гэтэл ээж нь хэн байсан гээч! Буудлын танил, тэр нэгэн шөнийн цэнгэл бэлэглэгч О! Бидний хэн хэнд маань маш эвгүй байсан. Гэхдээ бид хоёр яагаад ч юм нилээн удаан ярилцсан. О 16 настайдаа хүүгээ төрүүлсэн, ганц бие гэдгийг нь би мэдсэн.
Амьдралд янз бүрийн л юм тохиолдох юм даа. Тэр эгдүүтэй жаалын ном дэвтэр, хувцас ямар үнээр олддогыг хүү нь бүү мэдээсэй. Тэр аятайхан бүсгүй амьдралд хөлөө олоосой гэж л хүсэх юмдаа.