1 дүгээр жор
Лос Анжелесийн секс судлалын нийгэмлэгээс удаан, тачаангуй үнсэлт бидний цусны эргэлтийн системд сайнаар нөлөөлдгийг тогтоосон байна. Yнсэлцэх явцад судасны цохилт минутанд 110 хүртэл цохилдог бөгөөд энэ нь зүрх судасны системийн тун сайн дасгал ажээ. Тиймээс уушигны болон зүрхний өвчин тусахгүй байя гэвэл сайтар үнсэлцэх хэрэгтэй болох нь.

2 дугаар жор
Чикаго хотын шүдний эмгэг судлалын академи үнсэлтийг шүд цооролтын эсрэг шилдэг эм гэж тодорхойлжээ. Энэ нь гарцаагүй судалгаагаар нотлогдсон бодит үнэн аж. Yнсэлт нь шүдний гадаргууг гэмтээдэг шүлтний исэлтийг саармагжуулахдаа шүлсний бүтцийг сайжруулдаг юм байна.

3 дугаар жор
Шүдний эмч мэргэжилтнүүд зөөлөн, тачаангуй үнсэлтээр байнга хичээллэгсэд буйлны өрөвслөөр хавьгүй бага өвчилдөг болохыг нэгэн дуугаар баталж байна. Учир нь буйлны өрөвслөөс урьдчилан сэргийлэх арга бол буйлны иллэг юм. Тэгвэл бид үнсэлцэхдээ чухам тэр ид шидтэй иллэгийг чинь л хийдэг биз дээ?

4 дугаар жор
Хэрвээ чи өдөрт ядаж нэг удаа л 3 минутаас удаан хугацаагаар үнсэлцдэг бол төдий хэрээр өөрийн стрессээс салж байгаа гэсэн үг. Yүнийг Монреалийн клиникийн эмнэлгийнхэн нотолж байна. Тачаангуй, жинхэнэ үнсэлт бидний бие махбод дахь стрессийн даавар-ыг устгадаг биохимийн идэвхжлийг сайжруулдаг ажээ.

5 дугаар жор
Австрийн нийгмийн эрүүл мэндийн академийн доктор Ульф Беминг үнсэлт бол аман вакцин гэж үзэж байна. Yүнд гайхаад байх юм огт үгүй. Учир нь шүлсний найрлаганд асар олон төрлийн нян хадгалагдаж байдаг бөгөөд тэдгээрийн 80 хувь нь хүн бүрт ижилхэн байдаг, 20 хувь нь ганцхан тухайн хүнд л байдаг нянгууд гэнэ. Тиймээс үнсэлцэх явцдаа бид энэхүү ховор нандин 20 хувиа солилцдог бөгөөд энэ нь бидний дархлааны системийг сайжруулж, өвчин эсэргүүцэх чадварыг нэмэгдүүлдэг ажээ.

За, ийм л байна даа. Тэгэхээр жаргалыг хүсвэл эрүүлийг хүс, эрүүлийг хүсвэл үнэнээсээ үнсэлц! Өвдөхөөсөө урьдчилан сэргийлж, өвдлөө ч элдэв эм тан уухын оронд өөрт таатай, хийхэд хялбар ийм нэгэн гимнастик-ийг л байнга хийвэл болох нь тэр! Өдөрт 6-аас доошгүй удаа 3 минутаас удаан хугацаагаар үнсэлцээд байвал та үргэлж эрүүл явж болно гэсэн шүү.