Эмэгтэй даргатай эрчүүлд өгөх зөвлөгөө
Та ажил хэрэгч, зүтгэлтэй ажиллахаас гадна хүмүүжилтэй боловсон эр гэдгээ харуулбал их зүйтэй. Та түүнд магтаал хэлж байхаа хэзээ ч бүү март. Цагийг нь олж хэлсэн аятайхан магтаал танд эмэгтэй даргатайгаа сайхан харьцаа тогтооход тус болох боловч та хэм хэмжээгээ мэдээрэй. Ямар ч тохиолдолд дарга эмэгтэйн тухай бүдүүлэг үг ярих, муугаар хэлж болохгүй. Хэрэв түүнийг гомдоовол гэм буруугаа цагаатгах нь бараг боломжгүй зүйл.

Эмэгтэй хамт олныг удирддаг эрэгтэй даргад өгөх зөвлөгөө
Эмэгтэй хүн аливаа дохио зангаа болон биеэ авч яваа байдлыг өөр өөрийнхөөрөө тайлбарладаг. Бүсгүй хүний яриа, хэлж байгаа болгон далд утга агуулдаг. Тэдний юу хүсэж байгааг ойлгох нь эрчүүлд тун амаргүй. Тэд эрчүүлийг мэргэжлийн хувьд гүйцэхгүй байх, тэднээс ухаанаар дутна гэж та бүү эмээ. Хамгийн хүнд хэцүү даалгаврыг ч итгэж өг. Эмэгтэй хүнд дажгүй шүү гэж хэзээ ч бүү хэл. Эмэгтэй хүний хувьд магтаал маш гүн утга учиртай. Бүлээн зөөлөн магтаалын хэдэн үг хэлэхэд л тэр улам сайн ажиллах болно. Бүх ажилчдад адил хандахыг хичээ.

Эрэгтэй даргатай эмэгтэйд өгөх зөвлөгөө
Гоё хөлтэй байснаас сайн нэр хүндтэй байх нь дээр гэдэг дүрмийг баримтлах хэрэгтэй. Танай дарга өөрийн чинь тухай ажлаа мэддэг, өгсөн даалгаврыг сайн биелүүлдэг ажилтан гэдгийг мэдэх ёстой. Мөн таныг зөв ойлгодог байх нь чухал. Эрчүүл хийрхүү хүүхнүүдээс айдаг. Иймээс хамгийн хүнд үед ч биеэ барьж бай. Та даргатайгаа ярихын өмнө түүнд юуны тухай ярих гэж байгаагаа урьдчилан мэдээлбэл тэр илүү өөртөө итгэлтэй байж, яриа үрдүнтэй болно. Заавал ажил хэрэгч хувцас өмсөх шаардлагагүй. Гэхдээ банзал, цамцны цаанаас бие тань ил гаргахгүй байвал зүгээр. Та цаг үргэлж аятайхан, сайхан харагдах ёстой. Тэгэхээр үсээ самнаагүй ажилдаа ирснээс хоцорсон нь дээр. Хэт тод өнгийн будаг шунх бүү хэрэглэ. Мөн олон янзын гоёлын зүүлт чимэглэл онцгүй.
Анхилуун үнэртэй ус заавал хэрэглэж бай. Гэхдээ эхлээд даргынхаа дургүй үнэрийг мэдээрэй. Та эр, эм дарга, эсвэл алтан аль нь ч байсан ямар ч тохиолдолд өөрийн нэр хүндээ эрхэмлэн дээдэлж яваарай. Хамгийн гол нь алиа хошин зангаа бүү гээгээрэй.