Монгол улсад гэрийн хэрэглээний усыг төгс цэвэршүүлж чаддаггүй. Өглөө гал тогооны гоожуураас эхлээд зэвтэй ус гардгийг та мэдэх биз. Жаахан гоожуулж байгаад цайгаа чанадаг шүү дээ. Түгээгүүрийн усанд элдэв нян устгагч хийнэ, дээр нь төмөр хоолойноос зэв тээж ирнэ. Усаа цэвэршүүлэхийн тулд удаан буцалгана, буцалгах хэрээр дотор нь агуулагддаг хүчилтөрөгч ууршиж алга болно. Борооны ус ч үйлдвэржилтийн өмнөх шиг байхаа нэгэнт больж, хосгүй цэнгэг байсан гэх Туул голын ус ямар байгаа билээ. Ингээд аргагүй цэвэршүүлсэн ус л бидний сонголт болоод байна. Өнөөдөр гал тогооны өрөөндөө эсвэл Туул голын гүүрэн дээр савласан цэвэр ус ууж зогсох хүн хэний ч гайхлыг төрүүлэхгүй.
Цэвэр усны үйлдвэрлэлийн тухай энд дурдахгүй өнгөрч боломгүй. Манай оронд газрын гүний усыг өндөр технологиор цэвэршүүлж бидний хэрэгцээнд нийлүүлдэг үйлдвэр байдаг нь сайн хэрэг. Бид Богд хааны таалж байсан рашааныг ууж байгаа гэвэл уншигч та гайхах уу? Эх орны шилдэг үйлдвэрлэгч АПУ ХК савлах усаа газрын 180 метрийн гүний худгаас татдаг. Уг худгийг Наймдугаар Богд Жавзандамба хутагт анх гарган ундны усаа авч байжээ. Нэг талаас бараг их мөстлөгийн үеэс хөрсөн доор хадгалагдан ирсэн ус гэж ойлгож болно. Ийм эртний онгон усыг ч зөөлрүүлж, байгалийн элдэв эрдсээс цэвэрлэх хэрэгтэй. Энэ гайхамшигт усыг дэлхийд гуравт ордог Японы Чиба үйлдвэрийн бүтээсэн, байгалийн гаралтай цэвэр бүтээгдхүүн болох 99,89 хувийн иодын агууламжтай Калийодатаар баяжуулж эрүүл мэндэд нэн тустай Йоджуулсан усыг үйлдвэрлэнэ. Yүнд мөнгөний ионыг ашигладаг. Жинхэнэ цэвэр усны ионжсон талстууд нь хүний биед чухал хэрэгцээтэй. Өвөг дээдэс маань чамин хийцтэй мөнгөн аяга хэрэглэж гайхуулдаг байсан нь баярхсандаа бус мөнгөний ач тусыг мэддэгийнх юм. Мөнгөн аяганд ус дүүргэж хоноод өглөө өлөн элгэн дээрээ уудаг нь одоогийн АПУ-ийн мөнгөжүүлсэн усыг гэрийн нөхцөлд хийж буй ухаалаг арга ажээ.