1. Энд тэнд үлдсэн хоолны үлдэглийг хогийн саванд хийгээд харин аяга таваг, хайруулын таваг, хувин томхон, халбага сэрээ зэргээ жижгэвтэр саванд хийгээд дээрээс нь бүлээн ус, аяга таваг угаагч зориулалтын шингэн хийгээд орхичих. Өглөө босоод угаахад тун ч хялбархан болсон байх вий.
2. Хэрвээ зочид тамхи татсан бол иш, хогийг нь хогийн савруу сэгсрээд үнсний саваа цэвэр усаар заавал зайлаарай. Шөнөжин тамхины муухай үнэрт унтах ямар олиг байх вэ дээ?
3. Лонх, хундаган дахь дарс, шар айраг, архины үлдэгдлийг бас заавал асгаарай. Цөөн цаг ч бай архи үнэртэж унтахад өглөө нь толгой чинь дүйрч өвдөнө шүү дээ. Мөн салхивчаа онгойлгож агаар оруулаад өөрөө харин дулаан хучаад унтчих.
4. Бүх өрөөгөө эргэж тойрч үзээрэй. Эрхэм зочдын нэг нь энд тэнд тасарчихсан хэвтэж байх вий? Босоод гэр лүүгээ явах чадваргүй байвал орон дээр хэвтүүлж орхихдоо хучлаган дээр нь хамгийн сүүлд үлдсэн зочин гэр цэвэрлэнэ гээд бичээд үлдээчихгүй юу? Хэн нэг нь ч гэсэн ажилд тань туслах хэрэгтэй биз дээ?
5. Одоо хурдхан ор луугаа гүй. Оройжин ирмэлцэж, дохилцож байж үлдээсэн бүсгүй тань таныг хүлээж цөхөөд унтчихсан байх вий? Харин Туяа юу Сарнай юу гэж андуурч будилалгүй нэрийг нь зөв тогтоосон гэдэгтээ итгэлтэй байвал зүгээр сэн. Эмэгтэйчүүд гэдэг ганц авиа андуурч дуудахад гомдоод, харанхуй шөнөөр ч гүйгээд гараад явчихаж мэдэх л хүмүүс шүү…
Х.ТЭНГЭР