Харин биеийн галбирын өө дутагдлыг хувцасны тусламжтайгаар нууж болно. Ингэснээр эмэгтэй хүний сэтгэл зүй эрс өөрчлөгдөн, өөрийгөө нугасны муухай дэгдээхэй мэт үзэхээ байж, өөртөө итгэлтэй болдог. Энэ бол хууралт, гэхдээ гэмгүй хууралт хэнд ч хор хүргэхгүй харин ашигтай.
Таны хань ийм хувирлыг чинь хэзээ ч харах ёсгүй. Тэр бол зөвхөн таны нууц. Yдшийн бүрэнхийд янаг хайрын гал дүрэлзэж байхад таны амрагт үнэр мэдрэмж л чухал. Тэр таныг энхрийлэхдээ зорсон юм шиг гоё биетэй, том хөхтэй хүүхнийг төсөөлж байгаа. Тэр таныг тийм л гэж хүлээн аваг. Yүнд эр хүний хүлээн авахуйн онцлог оршдог. Харин хайрт чинь гэнэт таны мөрөвч энэ тэрээ хийж байгааг харвал юу ч бүү тайлбарла, тэгэх л ёстой юм шиг дүр үзүүл.
Голдуу хиймэл мөр, хөх байдаг. Гэхдээ бас ташаа, дал, өгзөг, хөлийн булчин зэргээр биеийн аль ч хэсэгт хиймэл давхарга /жийрэг/ хийж болдог. Дээр үед хөхийг том харагдуулахын тулд марлинд хөвөн ороож хийдэг байсан. Мөн туулайн арьсны үсийг дотогш харуулж хийвэл эмчилгээний чанартай гэж үздэг байсан. Харин одоо аз болоход дэлгүүрт ямар л бол ямар загварын хөхөвч бий.
Хөхний жийргийг зөвхөн унтахдаа л ав. Наран шарлагын газар, усан санд ч түүнийг авах хэрэггүй. Усанд орсны дараа шууд хувцсаа соль, тэгэхгүй бол ажигч хүн анзаарч болзошгүй.