Манайхан тарваган шийр, эсвэл чигатуссин хэрэглэх дуртай байдаг. Энэ нь хуурай ханиалгын төвийг цочроож цэр ховхолдог болохоор ханиалгуулдаг. Иймээс хуурай ханиалгын үед ханиалга дарах төвийн үйлчилгээтэй лбиексин гэх мэтийн эм өгч, халуун уураар утах нь үр дүнтэй.
Уураар утахад анхаарах зүйл бий. Хэрвээ астма төстэй, өөрөөр хэлбэл бронхийн агшилт өгч байгаа ханилагын үед уураар утах юм бол улам ханиалгах тал бий. Тиймээс бронхийн агшилтыг тавиулах цочролыг дарах эмчилгээ хийдэг. Yүнд теофиллин гэх мэтийн эм хэрэглэдэг. Хэрвээ ларингит өгч хуурай ханиаж байгаа бол утлага хийж болно. Гэхдээ ларингитын хүндрэл өгч шуугиантай амьсгалж байгаа нөхцөлд утлага хийж болохгүй. Түүний оронд хөлийг халуун усанд дүрэхээс гадна преднизолон буюу гормон эмчилгээ хийх шаардлагатай.
Гэрийн нөхцөлд ларингит уу, аль эсвэл астмоид бронхит уу гэдгийг оношлоход хэцүү учир зайлшгүй эмчид үзүүлж онош тавиулах шаардлагатай. Зарим тохиолдолд удаан хугацаанд хуцуулж ханиах үед физик эмчилгээ үр дүнтэй байна.