Юуны өмнө эмэгтэй хүний намба төрхийн тухай ойлголт зөвхөн тэдний бие бялдартай холбоотой биш гэдгийг тайлбарлая. Хүний гадаад төрх нь энэ ойлголтын эхний шинж болох нь мэдээж. Гэвч хүний зан чанарыг ёс суртахууны төлөвтэй огт холбоогүй гэж үзвэл буруу ташаа ойлголт болно.
Алхаа гишгээ гэдэг нь хүнийг тодорхойлох чухал онцлог, чухал чанар гэдгийг мартаж болохгүй. Орчин үеийн хийц маягтай, тохирсон спорт хувцас болох өмд, куртка, битүү цамц нь залуу охидод хурдан чөлөөтэй алхахад тохирсон байдаг. Гэвч энэ нь хэтэрхий хол хол яайвганаж алхаж явахын нэр биш ээ. Тэр тусмаа платье өмссөн бол бүр ч зохимжгүй.
Эмэгтэй хүн өөрийн унаган төрхөөрөө байх ёстой. Өөрөөр хэлбэл, элдэв маяг илүү хөдөлгөөн хэрэггүй. Уян зөөлөн, энхрий ялдам, намбалаг хөдөлгөөн гэдэг нь эмэгтэй хүний намба төрхийг л илчилж байгаа юм. Чанга ярьж инээх нь ялангуяа олон нийтийн газар бүр ч зохимжгүй.
Энэ мэт илт нүүрэмгий, хээгүй зан араншин хэнд ч зохидоггүй.