Yүрэг, эсвэл золиос
Эмэгтэй хүний хамгийн гол бэрхшээл бол идэвхгүй байдал, хайнга хандлага. Эсвэл бушуухан дуусаасай гэж бодож байна. Ямар ч шалтгаантай байсан нь хамаагүй. Хэт ичимтгий, дурлалын фантази мөрөөдөл байхгүй. Огцом шаардлагад эсэргүүцсэн үед ямар ч эр хүн өөрийг нь гүйцэд үнэлсэнгүй гэж үздэг. Энэ мэдрэмжээс өөр юу ч түүнийг өөрийгөө үнэлэхэд илүү муугаар нөлөөлж чадахгүй. Тэгэхээр хүүхнүүд ээ, өөрийгөө ойлгохыг хичээсэн нь дээр юм биш биз? Танд юу саад болж байна? Хэрэв байнга сексээс зугтаагаад байвал ханиа секс машин болгон хувиргаж, түүний бэлгийн амьдралыг тэсвэрлэхийн аргагүй болгоно.

Дур ханалтын хойноос хөөцөлдөх
Сексээс таашаал авахын тулд заавал хурьцах болгондоо дур тавих албагүй. Эрэгтэй нь ч тэр, эмэгтэй нь ч тэр ялгагүй. Дараах аюултай үгнүүдийг хэзээ ч хэлж болохгүй. Чи бас л хүээд байна уу?, Чи яагаад тавиагүй юм бэ, Yүнд би буруутай, Минийх болохгүй байна гэх мэт. Амрагаа, эсвэл өөрийгөө иймэрхүү маягаар зэмлэх нь саяхан амссан таатай мөчөө устгаад хаяж байна гэсэн үг. Хэрэв та дур тавихыг л тухай бүрд чухалчилвал хайрлан энхрийлэх, таашаал авах сайхан мэдрэмж, аз жаргалын аль нь ч үлдэхгүй.

Эрчүүд ч бас уруу татагдахыг хүсдэг
Эмэгтэйчүүдийн гол алдаа бол бүхнийг эрчүүдийн гарт өгдөг явдал юм. Хүн өөртэй чинь цуг бодож, хамт төлөвлөж, алдаж байвал илүү сонирхолтой байдаг. Хоёрдугаарт, эрчүүд таны бодож байгаагаас ч илүүтэй уруу татагдахыг хүсдэг. Судалгааны дүнгээр бол эрчүүдийн 82 хувь нь үүнийг мөрөөддөг. Ингэж байж л зөвхөн бие биедээ хандах тэнцүү байдал үүсдэг. Хэрэв эмэгтэй хүн бүх санаачлагыг эрэгтэйн гарт өгвөл тэр өөрийн секс авьяасаа хөгжүүлдэггүй, өөртөө итгэх итгэлээ ч мөн адил хөгжүүлдэггүй гэсэн үг.

Төлөвлөсөн секс
Хүч тамир барагдсан, асуудал бэрхшээл бүхэн хүнд ачаа болон бөөгнөрч, мөн хэн нэгэн хүн, эсвэл хүүхдүүд саад болох вий гэж айх, утас дуугарах, гэнэтийн зочин ирж саад хийх, сэтгэл дундуур байх. Эдгээр нь хүүхнүүдийн татгалздаг гол шалтгаанууд юм. Чи хэзээ надад цаг зориулж байсан юм бэ гэж үглэдэг. Иймээс сексийг бусад ажил шиг урьдаас төлөвлөх хэрэгтэй. Тэгээд ч та өөрийн гадаад төрхийг бэлтгэж, сайхан харагдахад бэлтгэж амжина. Архи уухгүй, хэт идэхгүй зэргээр биеэ ч бас бэлдэнэ. Энэ бүх бэлтгэл таны хүслийг харин ч улам бадраамж, дур тачаалыг ихэсгэнэ.