Сэлэх тусмаа дур нь хөдөлж одоод…
Оклендын далайн хүрээлэнгийн эрдэмтэд одоогоор дэлхий дээр бүх бие нь сэрлийн цэг болдог цор ганц амьтан нь далайн могой загас болохыг илрүүлжээ. Уг амьтны арьс нь бүхэлдээ өвөрмөц мэдээлэгч бүхий онцгой эдээс тогтдог гэнэ. Тиймээс могой загасны арьсанд өчүүхэн төдий зүйл хүрэхэд л дур тавих үеийнхтэй ижил даавар ялгаруулдаг ажээ. Yүнээс үзвэл насанд хүрсэн могой загас байнгын дур ханамжтайгаар амьдардаг байна. Yүнийг илрүүлсэн эрдэмтэн судлаачид Чухам ингэж байнгын таашаалаа эдлэхийн тулд л түмэн бээрийг сэлж туулдаг юм байна… гэж хошигножээ. Могой загас нь төрснөөсөө хойш гурван жилийн турш аялж төрсөн газраасаа аль болох холдон амьдрахыг эрмэлздэг гэнэ.

Ингэхэд Адам Евагаа яагаад заавал алимаар урхидсан юм болоо?
Уг нь бол энэ нь алим биш анар жимс байжээ. Библийн сургааль ёсоор анар бол амьдрал, үр удмын үргэлжлэлийн билэг тэмдэг юм. Библь, Тора, Коран судруудад анарын мод гэж олонтаа дурдагддаг нь үүнийг батална. Харин Евагийн алиманд тэгтэл дурласан нь библийн сургаалийг орчуулах үед орчуулагчдын хийсэн алдаа гэж Америкийн алдарт шашин судлаач Энтони Айленд нотолжээ. Учир нь библь сударт их олон зүйлийг ганцхан үг, дүрсээр тэмдэглэсэн байдаг гэнэ. Чухам яг ийм учраас үрт алим гэсэн утгатай бичигдсэн үгийг шинэ хэлэнд буулгахдаа үрийг нь орхиод зүгээр алим болгож орхижээ. Yнэндээ одоо ч египет, герман, итали, шведүүд анарыг үрт алим гэж нэрлэдэг юм байна.

Эмэгтэй хүний өгзөг, хонгоны сонгодог хэмжээ
Ланкаширийн их сургуулийн профессор Мэннинг эмэгтэй хүний бэлхүүс, өгзөгний хоорондын сонгодог хэмжээг олж тогтоожээ. Тэр байтугай сонгодог хэмжээг хүртэл бий болгосон байна. Өөрөөр хэлбэл БТ/ӨТ буюу бэлхүүсний тойргийн хэмжээг өгзөгний тойргийн хэмжээнд хуваахад 0.7 гарч байвал сонгодог хэмжээ гэж үзэх ёстой гэнэ. Энэ юугаараа сайхан бэ гэвэл тухайн хүнээс дэлхийн сонгодог хэмжээний туранхай байхыг шаардахгүй, ердөө тухайн хүний өөрийн нь хувьд гарч байгаа эцсийн үр юм. Тиймээс энэхүү сонгодог хэмжээний эзэн нь 60/86 үзүүлэлттэй гоолиг бүсгүй ч байж болно, мөн бэлхүүс нь 80, өгзөг нь 114 см хэмжээтэй махлаг хатагтай ч байж болох юм.
Энэхүү хэмжээний дагуу Германы Bild сэтгүүл дэлхийн алдартай бүсгүйчүүдийг аль хэдийн хэмжээд амжжээ. Хамгийн сонгодог хэмжээтэй хонгоний эзэн нь Австралийн дуучин Кайли Миноуг аж. Түүний хэмжээ 0.702. Хоёрдугаар байрт Бразилийн загвар өмсөгч Жизель Бюндхен 0.708 /түүний бэлхүүс 61 см, өгзөг 86 см гэнэ/, гуравдугаар байрт боксын тулааны өмнө бүжиглэгч бүсгүй 25 настай Кэти Прайс 0.68 гэсэн үзүүлэлттэйгээр тус тус бичигджээ.
Та өөрийн хэр зэрэг тарган туранхайг биш, ердөө өөрт байгаа хэмжээгээ л бодоод үз. Та ч гэсэн сонгодог сайхан хонготой юм билүү?

Гоо үзэсгэлэн- аймшигт хүч!!!
Америкийн нэртэй сексологич Эдвард Морри саяхан эрчүүд ямар эмэгтэйгээс айдаг вэ гэсэн судалгааныхаа дүнг олон нийтэд танилцуулав. Судалгааны дүн олон нийтийг төдийлөн гайхашруулаагүй гэнэ. Эрчүүдийг айлгадаг эмэгтэйчүүдийн 4-р байрт хэтэрхий эзэрхэг, захиран тушаах зантай, ууртай хүүхнүүд, 3-р байрт биерхүү, булчинлаг, биеийн хувьд хүч тэнхээтэй эмэгтэйчүүд, 2-р байрт их ухаантай, боловсролтой эмэгтэйчүүд оржээ. Харин сонирхолтой нь, эрчүүдийг үзэсгэлэн төгс бүсгүйчүүд ухаангүй айлгадаг байна. Өөрөөр хэлбэл санал асуулганд оролцсон эрчүүдийн 70 хувь нь гоо сайхан бүсгүйтэй танилцангуутаа өөрийн эрхгүй түүнийг ааш муутай юм уу аалигүй нэгэн байгаа гэж боддогоо хүлээжээ. Тэгсэн мөртөө бодох санах юмгүй тэнэгхэн хүүхнүүдээс хумсын төдий ч айдаггүй гэнээ.

Эмэгтэйчүүд хүүхэд олох боломжтой үедээ илүү дур булаам байдаг
Хамгаалалтгүй бэлгийн харьцаанд орох нь хүүхэд олох боломжийг ихэсгэдэг. Гэтэл эмэгтэйчүүд сарын тэмдгийн мөчлөгийн дунд үед буюу яг жирэмслэх бололцоотой үедээ хамгийн дур булаам, мөн өөрөө ч сексийн хувьд хамгийн эрч хүчтэй байдаг болох нь тогтоогджээ. Энэ нь ялангуяа цэвэршсэн болон ерөндөг тавиулсан эмэгтэйд онцгой илэрсэн байна. Уг судалгааг АНУ-ын National Institute of Enүironmental Health Science байгууллага хийж Хүний нөхөн үржихүй /Human Reproduction/ сэтгүүлд нийтэлсэн байна. Бэлгийн харьцааны давтамж нь тухайн эмэгтэй хүүхэдтэй болохыг хүсэж байгаа эсэхээс үл хамааран өндгөн эс боловсрохын өмнөх болон боловсорсны дараах гурав хоногт яг адилхан байдаг ажээ.
Уг судалгааны багийн ахлагч профессор Аллен Уилкокс эмэгтэй хүний үр удмаа үлдээх хүсэлтэй байгаа үгүйгээс үл хамааран байгаль өөрийн өвөрмөц зохицуулалтыг хийж байдаг гэж бичжээ. Учир нь тухайн эмэгтэй дунджаар 7 хоногт хоёр буюу хоногт 0.29 удаа бэлгийн харьцаанд ордог бол осолтой үедээ сексийн нь чадвар 0.25 дахин нэмэгдэж хоногт 0.34 хүртэл өсдөг байна.
Аллен Уилкоксын хэлснээр үүний учир нь одоо хүртэл оньсого хэвээр байгаа бөгөөд Yр хүүхэдтэй болохыг хүсч байгаа хүмүүст байгаль ээж найз нөхөр, хамтран зүтгэгч шиг нь, харин хүсэхгүй байгаа хүнд нэг төрлийн дайсан, эсрэг талын тоглогч шиг үүрэг гүйцэтгэдэг байна. Тиймээс үүнийг санаж явахад илүүдэхгүй гэж өгүүлжээ.

Эмэгтэй бэлгэвч цаг хэмнэдэг
Эрчүүд сексийн үед бэлгэвч хэрэглэх төдийлөн дуртай биш байдаг. Ялангуяа бүсгүйнхээ өмнө бэлгэвч гаргаж ирээд, боодлыг нь урж эрхтэндээ углах нь сэтгэхүйн хувьд бүрэн дүүрэн таатай биш төдийгүй их цаг үрж, хөөрсөн сэрэл тачаалыг бууруулдаг гэж хүртэл зарим нь зэмлэдэг. Гэхдээ хүсээгүй жирэмслэлт, өвчин эмгэгээс хамгаалах хэрэгтэй биз дээ? Мэдээж хэрэг. Тэгвэл эмэгтэй бэлгэвч буюу фемидом хэрэглэхэд эвтэй төдийгүй хавьгүй бага цаг үрдэг байна.
Фемидом нь дунджаар 8 мм диаметр бүхий нимгэн уян материалаар хийгдсэн бөмбөлөг бөгөөд хоёр талдаа хатуувтар цагирган хоолойтой байдгийг та мэдэх биз. Энэ хоёр хоолойн нэг нь үтрээнд ороод бэлгэвчийг хөдөлгөөнгүй барих, нөгөө нь бэлгийн гадна уруулд тогтож байх үүрэгтэй.
Эмэгтэй бэлгэвчний давуу тал нь эр бэлэг эрхтэнд огт мэдрэгддэггүй, ямар нэг байдлаар үрэлт, өвдөлт өгөхгүй, эр эрхтнийг үтрээнд чөлөөтэй хөдлөх бололцоо олгодог байна. Учир нь фемидомын үтрээн дэх хэсэг нь эр бэлэг эрхтний хөдөлгөөний дагуу уян хатан байдаг. Мөн үтрээнд байхдаа гадны биет орсон гэж мэдэгдэхээргүй зөөлөн тул эрчүүд кондомоо углахдаа болон кондомтой бэлгийн харьцаанд ороход мэдрэгддэг шиг эвгүй байдал, таагүй мэдрэмж төрдөггүй сайн талтай.
Эмэгтэй бэлгэвч нь сексийн үед бэлгийн замын эрхтнүүдийн арьсыг найдвартай хамгаалдаг. Эр бэлгэвчийг хэрэглэхэд бэлэг эрхтний тээрхий эмэгтэйн бэлгийн их уруулд хүрч халдвар тарааж болзошгүй байдаг бол фемидом энэ байдлаас бүрэн хамгаалж чаддаг байна. Өөр нэг өгүүлшгүй давуу тал бол эмэгтэй бэлгэвчийг яг хурьцлын үед биш, хэдэн арван минут, бүр хэдэн цагийн өмнө ч хийчихсэн байх боломжтой тул бэлгэвч углах гэж тааламжит цагаасаа хумслах хэрэггүй.

Эмэгтэйүүд сексийн үед юу боддог вэ?
Германы хэсэг эрдэмтэд саяхан эротик кино үзэх үед эмэгтэйчүүдийн тархины сэтгэл хөдлөл, төлөвлөлтийг хариуцдаг хэсэг хамгийн их идэвхждэг болохыг тогтоожээ. Порно кино үзүүлэх үеэр сайн дураараа судалгаанд хамрагдагсдын тархины үйл ажиллагааг ажиглах тусгай төхөөрөмж бүхий өрөөнд оруулан судлахад эрчүүд биш харин ганц эмэгтэйчүүдэд л өмнөд тархины хэсэг идэвхжиж байгааг илрүүлсэн байна. Өөрөөр хэлбэл сексийн үеэр эмэгтэйчүүд өөр ямар нэг зүйл бодож байдаг гэсэн үг. Харин харамсалтай нь эрдэмтэд бүсгүйчүүд сексийн үеэр чухам яг юу боддогийг олж илрүүлж чадсангүй. Ажил, албан тушаал, шинэ хувцас чимэг зүүлт, ээлжийн амралт юу ч байж мэдэх нь. Харин эрчүүдийн тухай боддоггүй бололтой. Эрчүүд сексийн үеэр сексээс өөр элдэв бодолд толгойгоо гашилгадаггүй бөгөөд үнэндээ өөр аргагүй юм даа. Эрчүүд өөр юм бодоод байвал секс гэж байхгүй болно. Судалгааны багийн ахлагч доктор Эссен Майкл Фостинг Бид эрчүүд, эмэгтэйчүүдийн хооронд яагаад ийм ялгаа байдгийг мэдэхгүй байна. Гэвч яах аргагүй л ялгаатай байдаг юм байна.
Тэгээд ч ганц сексийн үед ч биш, ер нь эмэгтэйчүүд юу бодож байдгийг бид хэзээ ч олж мэдэж чадахгүй нь бололтой хэмээн өгүүлжээ.

1000 жилийн настай хөхөвч олджээ
Энэ олдвор олдсоноор бүр эртний Хятадад хүүхнүүд том сайхан хөхтэй харагдаж эрчүүдийн толгойг эргүүлэх эрдмийг мэдэж байсан нь нотлогдов бололтой. Археологичид 1000 орчим жилийн өмнө гар аргаар хийгдсэн, одоогийн Анжелика хөхөвчний өвөг дээдэс байж болох зүйлийг олсон байна. Энэ нь хөхөнд онцгой хэлбэр оруулах томоохон нэмэлттэй байсан нь тодорхой харагдаж байгаа аж.
Энэхүү алтан шаргал өнгийн хөхөвч нь Өвөр Монголын Аохан мужид саяхан олдсон шарилаас гарчээ. Археологич Шоа Гуатины хэлснээр энэ нь Хятадын Ляо хааны үед амьдарч байсан баян эмэгтэйнх бололтой. Энэхүү хөхөвч нь гайхамшигтай сайн торгоор хийгдсэн, яг тухайн хүнд нь тааруулсан бололтой оёмол мөрөвчтэй байсан гэнэ. Эрдэмтэн Гуатин Энэ бол яг орчин үеийн Анжелика байна. Хөхний аяган дотор тусгайлан хийсэн хөвөн даавуун хэсэг нь он цагийн уртад үгүй болсон нь харамсалтай… гэж өгүүлжээ.

Эрэгтэй хүний даавар өвдөлтөөс сэргийлдэг
Аливаа өвдөлтийг тэвчихэд эр хүний бэлгийн даавар тестостерон тусалдаг болохыг АНУ-ын Принтоны их сургуулийн эрдэмтэд нотлоод байна. Учир нь тестостерон нь эвгүй байдал, мэдрэмжийг бууруулж, өвдөлтөд мэдрэг хандах байдлыг бууруулдаг гэнэ. Гэвч одоохондоо үүнийг бор шувуун дээр туршиж нотолсон бөгөөд хүний биед туршихад үүнээс их хол зөрөхгүй болов уу гэж үзэж байгаа гэнэ.
Судалгааны явцад эрдэмтэд физиологич Микаэла Хайгийн удирдлаган доор эр хүний биеэс тестостерон ялгаруулж аваад эрэгчин бор шувуунд тарьжээ. Ингэхэд бор шувууны хөлөө халуун усанд дүрээд мэдэрч байсан өвчлөл нь буурч усны халууныг тэвчих явц нь удааширчээ. Өөрөөр хэлбэл, бор шувууны 52 хэмийн дулааныг тэвчих чадвар нь тестостерон тариулсны дараа 3 дахин өссөн байна. Харин үүний дараа нэгэн эсрэг зүйл гарч ирсэн нь тестостероныг дараалан хоёр тарьсны дараа бор шувуунд төдийлөн өвдөлт өгдөггүй 48 хэмийн халууныг мэдрэх нь нэмэгджээ.
Эрдэмтдийн үзэж байгаагаар тестостерон нь хүнд байгалиас заяадаг өвчин намдаагч бодис-энкефалиныг ялгаруулдаг бололтой. Тиймээс судлаачид уг дааврыг орлуулах эмчилгээ нь архаг өвчний улмаас байнга эм ууж байдаг хүнд тохирч болох юм гэж үзэж байна. Учир нь, хэт их эм байнга уух нь хүний биенд ялгарах тестостероны хэмжээг бууруулдаг ажээ.

Бэлгэвч хэн захиалсан бэ?
Шведийн Бэлгийн боловсрол олгох төрийн бус байгууллага Стокгольм, Мальмо, Готтенберг хотуудын залуу иргэдэд бэлгэвчийг түргэн тусламжийн журмаар тараах шинэ үйлчилгээ явуулж байна.
Уг байгууллагын ерөнхий менежер Карл Освальд Бид бэлгэвчийн хэрэглээг ихэсгэх зорилготой байна. Учир нь, бэлгэвч гар доор бэлэн байгаагүй, эсвэл дутмаг байснаас үүдсэн бэлгийн харьцааны 50 хувьд нь хүсээгүй жирэмслэлт, 50 хувьд нь бэлгийн замын халдварт өвчин тусч байна гэж ярьжээ. 10 ш бэлгэвч багтаасан нэг боодлыг 50 кроноор хүргэж өгөх бөгөөд энэ нь дэлгүүрт зарж байгаагаас хямд гэнэ.
Хэдийгээр энэ ажил ганц сар үргэлжлэх ч, бэлгэвч барьсан хөвгүүдийг гэртээ дуудах нь Шведийн бүх насны эмэгтэйчүүдийн таашаалд ихээхэн нийцэх байх гэж хүмүүс шивнэлдэж байна.