Юу ч гэсэн зөвлөгөөг сонс
1.Донжуанууд /шалиг эр/ салдаггүй. Таны гэрлэлт үл салах, баталгаатай гэсэн үг. Жинхэнэ эрчүүд өөр хүнд дурлуутаа эхнэрээсээ шууд салахад бэлэн болдог. Харин шалиг эрс салдаггүй юм.
2.Донжуан харамч биш. Та нөхрийгөө бусадтай зугаалж байх үеэр нь юу ч салгаж болно. Өр төлбөрөө даруулж, амралтанд ганцаараа явах боломжийг бүү алд.
3.Эрдэнэсийн сангаа арвитга. Танд хувийн хөрөнгөө арвижуулах өргөн боломж байна. Хуурамч нөхрүүд гэмээ цагаатгахын тулд эхнэртээ эрдэнэсийн зүйлс авч өгөх нь элбэг. Энэ бүхнийг хурааж суухад сүүлд нь хэрэг болж магадгүй.
4.Өөрийгөө өөд нь тат. Yнэнч нөхөртэй хүүхнүүд санаа нь амарч өөрийгөө умартаж орхидог. Харин та нөхрөө явалдах тусам үсчин, гоо сайхнаар орж цагаа зөв өнгөрүүл.
5.Санаагаа бүү зовоо. Та нөхрөө зарим эрчүүдийн адил замбараагүй муухай завхайрах вий гэж бүү зов. Донжуанууд үргэлж цэвэр цэмцгэр явдаг улс.
6.Та аз жаргалтай хүн. Таны нөхөртэй явалдаж түүнийг бахархсан хүүхэн болгон таныг ямар аз жаргалтай, ханийн тэнгэртэй хүүхэн бэ хэмээн атаархах болно.
7.Чамайг юу ч хийсэн уучилна. Чи ямар ч тэнэг алдаа хийсэн айхгүй байж болно. Таны Донжуан өөрийг тань хэт их мөнгө үрэн таран хийсэн ч уучлах болно. Тийм эрчүүд үргэлж өөрсдөө буруутай мэт сэтгэгдэлтэй явдаг.
8.Таны амьдрал сонирхолтой. Жирийн амьдралаас таных арай сонин. Нөхрийн чинь явдал таны сэтгэлийг үргэлж хөдөлгөсөөр сүүлд ямар ч хэцүү байдлыг зовлонгүй өнгөрөөх бэлтгэлтэй болно.
9.Та анхаарлын төвд байна. Нөхрийнхөө ачаар та хүмүүсийн анхаарлын төвд орох болно. Таны нөхөд нөхрийг чинь яагаад ийм сайхан хүүхнийг мэхлэх болов оо гэж гайхацгаана. Тэд таны тэсвэр тэвчээр, уужим сэтгэлээр чинь бахархана. Харин та өөртөө бүү гомд. Өөрөөрөө бахархах нь гомдохоос илүү гэдгийг анхаар.
10.Гэртээ бол дуулгавартай нөхөр. Та гэр орондоо нөхөртэйгөө гэрийн ажил хийсэнгүй энэ тэр гэж хэрэлдэх хэрэгггүй. Донжуанууд гэртээ дуулгавартай болдог.
11.Өв залгамжлах нь сайн хэрэг. Нас дээр гарсан хамаатан чинь таныг сайн хүнтэй суусан гэж үзэж өв хөрөнгөө гэрээслэн үлдээж магадгүй. Учир нь тэдний хажууд таны нөхөр биеэ маш сайхан авч явна. Хүмүүст таалагдах нь Донжуаны амьдралын гол зорилго юм.
12.Цамцыг нь угаах хэрэггүй. Тэр өөрөө цамцаа угааж, үнэртэй ус түрхэж явах болно.
13.Хүслээ биелүүлэх боломж. Таны нөхөр ээлжит дурлал болгоныхоо үеэр сэтгэл санаагаар өндөр явах болно. Энэ үедээ таны ямар ч хүслийг биелүүлнэ.
14.Эр эмийн ажлыг гарамгай хийнэ. Нөхөр чинь орон дотроо таныг бараг унтуулахгүй байх. Тэд энэ талаар тун туршлагатай бараг мэргэжлийн гэж хэлж болно.
15.Ийм маягаар мөнхөд үргэлжилнэ. Ийнхүү хөнгөн амьдарсаар та завхай нөхрөө хөгширмөгц тайвнаар амьсгаа авч өөрийгөө танагтай үлдсэнээ харах болно.