Ихэнх хүмүүс энэ асуултад хариулахдаа •вика ямар нэг шар айрагны тухай ч юм уу, эсвэл уушийн газруудын дизайн, дотоод засал чимэглэлийг нэг их боддоггүй. Харин бусдаас ялгарах өвөрмөц онцлогтой, тэгээд тэр нь өөрчлөгдөлгүй он жилийн эргэлтэд хадгалагдаж байдаг тиим газрыг хамгийн түрүүнд бодож олдог. Өнөөгийн үйлчлүүлэгч 10, 20, 30 жилийн өмнөх үйлчлүүлэгч бүгд өөр өөр. Гэхдээ тэдэнд бүгдэд нь таалагдах гэж өнгэ төрхөө байсхийгээд л өөрчлөөд байх дэмий. Бүгдийг нь татаж чадах өөрийн гэсэн нуүр царайг бий болгоод түүгээрээ уе уеийн үйлчлүүлэгчдийг холбож болох юм. Тэгэхээр та хэрэв уушийн газар ажиллуулдаг бол миний гэсэн, манайх гэж тодотгож болохоор онцлог, өнгэ аяс юу вэ гэдгийг бодож олоорой.
Судлаачдын үзэж буйгаар уушийн газарт хүмүүс ямар нэг сэтгэлийн хөдөлгөөнөө илэрхийлэхээр ордог. Саин муу, баяр гуниг аль нь ч байсан дотоод сэтгэлээ нээхэд нь уудам зай талбай зайлшгүй хэрэгтэй. Дотор нь бачимдсан хэн нэгэнд ширээ сандал нь шахцапдсан, хана тааз нь өөдөөс нь нураад ирэх гэж байгаа юм шиг бачуухан санагдвал танай уушийн газраас бушуухан л гарч явахын түүс болох биз.
Харин лангууны хажуугийн өндэр сандал дээр ямар ч хүн ердийнхөөсөө их уудгийг судлаачид тогтоосон юм шүү. Тэгэхээр тиим сандал аль болох олныг тавибал ашиг ахиу олох боломжтой гэсэн үг.
Бас мартаж болохгуй нэг чухал зүйл бол цэвэр агаар. Хэдийгээр уушийн газарт ирсэн хүмүүс тамхи татах дуртай байдаг ч тамхи татдаг, татдаггүй бүх л хүн цэвэр агаар амьсгалахыг хүсдэг юм.
Мак Нэлли компанийн захирал Жон Күүкийн зөвлөж буйгаар уушийн газарт өөрийн гэсэн хэмнэл байх хэрэгтэй. Мэдээж энэ бол хөгжмийн тухай сануулж буй хэрэг. Танай ОЛ гарт тааралдсан дискээ тавиад янз бүрийн дуу хашгируулаад байх уу, эсвэл өөрийн гэсэн сонголтоор хөгжмийн архивтай болох уу?
Нэг хэмнэлийн, нэг хийцийн, нэг чиглэлийн дуу сонсоод байх танд уйтгартай санагдаж болох л юм. Гэхдээ үйлчлүүлэгчид чинь бүтэн өдөржин тантай хамт байдаггүйг санаарай. Тэд ганц амралтын өдрөөрөө ч юм уу, эсвэл баярлаж, гунисан үедээ, стрессээ тайлахаар,танил дотно хөгжим сонсч, дасал болсон орчиндоо тухлахаар ирдэг шүү дээ. Тэд өнөөдөр сонссон дуугаа долоо хоногийн дараа дахин сонсохыг хүсдэг юм. Тэгэхээр тэдэнд үгүйлэгдэх өвөрмөц орчныг бий болгох хэрэгтэй шүү.

ХООЛНЫ ЦЭСЭЭ ӨӨРЧЛӨХДӨӨ
Гуанз, рестораны эзэд хоолны цэсэндээ өөрчлөлт оруулах тун дуртай. Байнга шинэчлэгдэж байгаа нь тэр. Гэхдээ тэр шинэчлэл дасал болсон байнгын уйлчлүүлэгчид чинь таалагдах болов уу?
Ер нь рестораны амин сүнс юу вэ? Амттай хоол чухал ч дотоод засал, уур амьсгал, үйлчилгээний хэв маяг, хоолны цэсний ном түүнээс дутахгүй үүрэг гүйцэтгэдэг. Тухайлбал өдрийн хоолны цагаар ямар ч ресторан жижигхэн кафе шиг, хөнгөн шингэн, шаламгай ажиллах хэрэгтэй. Цаг бол алт, бас цайны цаг богинохон үргэлжилдгийг байнга сана. Хүн бүхэн л цайны цагаараа амжуулаад аятайхан хоол идэхийг хичээж, яарч байгаа. Та бас тэдэнтэй хамт яарах хэрэгтэй. Харин орой бол өөр. Өдрийн их ажлаасаа тарж яваа, алжааж ядарсан гэр бүлийн голдуу хүмүүс гэртээ харьж хоол унд хийхээсээ төвөгшөөн танай ресторанд орж ирнэ. Тэд завгүй ажлаа дуусгачихаад, амсхийн амарч, нэгсайхан урт амьсгаа авахаар ирсэн шуу дээ. Нам гүм, тайван орчин тэдэнд чухал. Өдрийнх шигээ яарч дэгдэгнээд, үймж гүйлдээд байвал тэд орой хоол идэхээр танайд дахин ирэхгуй дээ. Хоол чинь хачин амттай байгаад ч нэмэргүй.
Рестораны нэг амин сүнс нь гэрэл шүү. Байгалийн болон цахилгаан гэрэл. Саруул гэрэлд хоол хүртэл эрүүл, амттай харагддаг. Тэгээд ч уйлчлүү-лэгчийнхээ сэтгэл санаа, ямархуу ая зантай байгааг харж, мэдэхэд хялбар.
Эцэст нь бизнес бол өрсөлдөөн. Миний өрсөлдөгч хэн бэ гэдгийг үргэлж бод. Тэгээд өрсөлдөгчийнхөө үйлчлүүлэгчийг булааж авах.тэдний ашгаас халааслах тактик боловсруул. Мэдээж тэр тактик нь дизайн, тохижилт, өөрийн өнгэөаястай орчин, өвөрмөц дүр төрхтэй холбоотой байх болно

ОЛУУЛАА ХАШГИРВАЛ ИЛҮҮ ХҮЧТЭЙ
АНУ-ын Детройтын нэгэн зочид буудал үйлчлүүлэгчдийг татах арга болгож нэгдугээр давхартаа уушийн газар нээжээ. Ирланд маягийн тэр газар буудалд огт өөр уур амьсгалыг авчирсан байна. Дэлхий даяар иймэрхүү хэв маягийн 60 гаруй уушийн газрыг байгуулсан Ириш паб компанийн захирал Жон Мак Дональд зочид буудлын эзний хүсэлтээр ажиллажээ. Юун түрүүнд уушийн газрын үйлчлүүлэгчид буудлын үүдний өрөөнөөс болон гаднаас орж ирсэн бүх хүмүүсийг угтан авах боломжтой байх ёстой гэж Жон зөвлөв.
Бас Ирландын хаадын зураг, түүхэн домог сэлтээр хана туургыг нь чимэглэв. Иймэрхүү чимэг-лэлтэй бага зэрэг сийлбэртэй модон сандал, ширээ тун зохимжтой. Нэг ирсэн хүн яавал заавал буцаж ирэх вэ? Магадгүй ирланд дуу, хөгжим сонсохоор байж болох юм.
Дуучид, хөгжимчид, бүжигч-дийг авчрав. Бас сүүлийн үед ихээхэн моод болоод байгаа үлгэр хүүрнэгчтэй ч болов. Ханан дээр бичсэн элдэв түүх, домгийн талаар үйлчлүүлэгчид нь асуухад хэзээд бэлхэн хариулж байхаар үйлчилгээний ажилтнууддаа ч хичээл заалаа.
Одоо үйлчлүүлэгчид өдрөөс өдөрт нэмэгдэж байна. Жон Мак Дональдын хэлсэн нэг үг бол Хичнээн олуулаа хашгирах тусам үг чанга сонсогдоно. Тодруулбал уушийн газрын юм бүхэн өнцөг булан бүрээс Ирланд, ирланд гэж хашгирах ёстой гэнэ. Тэгж байж нэг цогц өнгэ төрх бий болно гэнэ. Хоол унд, сандал ширээ, дуу хөгжим, хана туурганаас нэг л дүр төрх үнэртэж, харагдаж байвал амжилт ирнэ гэсэн үг.
(өнөөдөр 2004.10.13 239)