Уг албан бичигт Монгол Улсын Ерөнхийлөгч Их Монгол Улс байгуулагдсаны 800 жилийн ойг 2006 онд Монгол улс даяар төр ёсны их баяр болгон тэмдэглэхээр 2001 оны 5 дугаар сарын 11-ний өдөр Ой тэмдэглэх тухай зарлиг, Монголын бичмэл түүхэн сурвалжийн ууган дээж бичиг, эртний монгол уран зохиолын гайхамшигт дурсгал Монголын нууц товчоо-г үндэсний бахархлын эрх дархтайгаар дээдлэх зорилгоор Монголын нууц товчоог мөнхөд эрхэмлэн дээдлэх тухай зарлигийг 2004 оны 02 дугаар сарын 18-ны өдөр тус тус гаргасан билээ.

Зарлигуудын хэрэгжилтэд хяналт тавьж, Засгийн газарт чиглэл болгосон дараахь асуудлуудад анхаарал хандуулж, холбогдох арга хэмжээг цаг алдалгүй авах шаардлагатай байна.

1.Чингис хааны дурсгалын болон онгон шүтээний ёслол хүндэтгэлийн цогцолбор барьж байгуулах, Их Монгол Улс, Чингис хааны тухай уран сайхны кино бүтээх, урлаг уран сайхны бусад олон төрлийн бүтээл туурвих уран бүтээлчдийн санал санаачилгыг дэмжиж бүх талын туслалцаа үзүүлэх.

2.Төрийн хүндэтгэлийн өргөөний хойморьт залах шижир алт, цалин цагаан мөнгөөр чимэглэсэн, эрдэнийн чулуун шигтгээт хосгүй нэг хувь Монголын нууц товчоо-ны эхийг бэлтгэж, урлан бүтээх ажлыг 2005 оны I сард багтааж дуусгах.

З.Дээрх арга хэмжээнүүдийг хэрэгжүүлэхэд шаардагдах санхүүжилтын асуудлыг шийдвэрлэх гэжээ.

/Ерөнхийлөгчийн хэвлэл мэдээллийн албанаас мэдээлэв/