Гэвч монголчууд аливаа юмыг хийх гэж хэдэн жил ярьдаг зуршилтай болохоор Хархорин нийслэл хот болтлоо өдий биз. Харин хятадууд аливаа үйлийг бүтээхдээ нэг их яриад, үглээд байдаггүй шууд л гардан бүтээдэг ард түмэн. Энэ утгаараа тэд Хархориныг томоохон хот болгох талаар ярилцаж байгаа аж. Тэгэхдээ энэ асуудлыг Хятадын эрлийз өвөрмонголчууд гардан гүйцэтгэх бөгөөд тэд Хархориныг Эрээн хот шиг шилэн хот болгох бололтой. Тэр ч байтугай Өвөрмонголын нийслэлийг Хархоринд шилжүүлэх тухай ч яригдсан гэх. Энэ тухай Эрээнээс бараа зөөдөг наймаачид ярихдаа Эрээний хужаанууд манай Хархориныг их сонирхдог болсон. Тэд Танайх Хархорин хотоо барьж байна уу. Барихгүй бол бид барьж өгнө. Манай Засгийн газар ч дэмжих байх. Гуравхан жилийн дотор л том хот сүндэрлэнэ. Ингэснээр бид монголчуудад улам ойртох болно. Танай төр засгийн тэргүүнүүд хамгийн гол нь бидэнд итгэх хэрэгтэй гэж ярьж байна. Уг нь Хархорин Эрээн шиг болчихвол гахай зөөдөг бидэнд л амар юм. Даанч нөгөө улс орны тусгаар тогтнол, бүрэн бүтэн байдалд нь аюул занал учрах байх даа гэцгээсэн юм. Ерөнхий сайд Ц.Элбэгдорж Хархориныг эдийн засгийн чөлөөт бүс болгоход хамгийн тохиромжтой гэж дүгнээд Улаанбаатарын дагуул хот болгох талаар яриад байгаа. Гэвч түүнийг ярьсаар байтал Ерөнхий сайдынх нь албаны хугацаа дуусч, дараагийн сайд нь залгуулаад ярих байлгүй. Харин Ц.Элбэгдоржоос өрсөөд Эрээний хужаанууд Хархориныг Эрээн хот шиг шилэн хот болгочих юм биш байгаа даа.
/2004.10.сар, Ноцтой мэдээ/