Тухайлбал, Засгийн газрын 2004-2008 оны үйл ажиллагааны хөтөлбөр, зарим агентлагийг шинээр байгуулж даргыг нь томилох зэрэг асуудлыг хэлэлцэн шийдвэрлэх ажээ. Эх сурвалжийн мэдээлснээс үзвэл өнөөдрийн хуралдаанаар ТӨХ-ны даргаар З.Энхболдыг томилох тухай яриа байна.Өмнө нь ТӨХ-ны даргаар ажиллаж байсан Л.Пүрэвдорж УИХ-ын гишүүнээр сонгогдсон юм. Хэдийгээр Засгийн газрын хуралдаанаар хэлэлцэх асуудлын төлөвлөгөөнд дэд сайдуудыг томилох талаартусгаагүй ч уг асуудлыг хэлэлцэх боломжтой юм. Ямартай ч Мэдээлэл, харилцаа холбоо, технологийн газар, Хөдөлмөр халамжийн үйлчилгээний газар гэсэн хоёр агентлагийг шинээр байгуулж, нэгнийх нь даргаар Ерөнхий сайдын хэвлэлийн төлөөлөгч Ч.Сайханбилэгийг томилохоор болжээ.