Уг хөшөөг НYБ-ын Энхийг сахиулах хүчний үйл ажиллагаанд оролцогчдын дурсгалд зориулан босгожээ. Канад Улс энхийг сахиулах үйл ажиллагаанд амжилттай оролцож, чухал үүрэг гүйцэтгэж ирсэн ажээ.Ерөнхийлөгч Н.Багабанди хөшөөнд цэцэг өргөхөд Монгол Улс, Канад Улсын төрийн дуулал эгшиглэв.
Дараа нь Н.Багабанди энхийг сахиулах хүчний үйл ажиллагаанд оролцож явсан ахмад дайчидтай уулзаж ярилцав.

х х х

МУЗЕЙ YЗЭВ.

Монгол Улсын Ерөнхийлөгч Н.Багабанди, гэргий А.Оюунбилэг нар болон төлөөлөгчид Оттава хот дахь Канадын соёл иргэншлийн музейг үзэж сонирхов.Уран барилгын өвөрмөц шийдэл, орчин үеийн тэргүүний технологиороо дэлхий нийтийн анхаарлыг татдаг уг музей нь Канадын мянган жилийн түүх болж ард түмний өнөөгийн ахуй, амьлралыг харуулсан 3,7 сая үзмэртэй ажээ.
Ерөнхийлөгч Н.Багабанди тус музейд нэрт зураач марзан хэмээх Шаравын Монголын нэг өдөр зургийг дурсгав.Канадын музей Монголын үзмэрээр баяжсанд Музейн удирдлага талархлаа илэрхийлэв.
х х х

КАНАД УЛСЫН ЕРӨНХИЙ САЙД ЭРХЭМСЭГ НОЁН ПОЛ МАРТИН МОНГОЛ УЛСЫН ЕРӨНХИЙЛӨГЧ Н.БАГАБАНДИЙГ ХYНДЭТГЭН YДИЙН ЗООГ БАРИВ

Зоогийн үеэр Ерөнхийлөгч Н.Багабанди, Ерөнхий сайд П.Мартин нар хоёр улсын эдийн засаг, улс төрийн байдал, харилцаа, хамтын ажиллагааны хөгжил,олон улс, бүс нутгийн харилцан сонирхсон асуудлаар чөлөөтэй, илэн далангүй ярилцав.
х х х