Мэдэгдэлд хоёр тал өргөн хүрээтэй түншлэлийн төлөө байгаагаа тусгалаа.
Ялтан шилжүүлэн өгөх тухай Канад Улсын Засгийн газар, Монгол Улсын Засгийн газар хоорондын гэрээ, Монгол Улсын зэвсэгт хүчний цэргийн албан хаагчдыг Канад Улсад цэргийн сургалтад хамруулах тухай Канад Улсын үндэсний батлан хамгаалах яам, Монгол Улсын Батлан хамгаалах яам хоорондын харилцан ойлголцох санамж бичиг, Монгол Улсын ХХААЯ, Канадын хүнсний хяналтын алба хоорондын хамтран ажиллах тухай баримт бичиг, Монгол Улсын нийслэл Улаанбаатар хотын захиргаа, Канад Улсын аж үйлдвэрийн яам хоорондын Тогтвортой хөгжиж буй хотуудын санаачилга хөтөлбөрийн хамтран ажиллах тухай харилцан ойлголцох санамж бичигт гарын үсэг зурав.

Баримт бичгүүдэд гарын үзэг зурсан албаны хүмүүст Ерөнхийлөгч Н.Багабанди, Ерөнхий сайд П.Мартин нар баяр хүргэлээ.

Албан ёсны хэлэлцээний үр дүнгээр Засгийн газрын ордны хамтын нөхөрлөлийн өрөөнд хамтарсан хэвлэлийн бага хурал хийж сэтгүүлчдийн сонирхсон асуултад Ерөнхийлөгч Н.Багабанди, Ерөнхий сайд П.Мартин нар хариуллаа.
х х х