Мөн өнгөрсөн Бямба гаригт өвөлжилтийн бэлтгэл ажилтай танилцах, тухайлбал халаалт дулаан, ус, цахилгааны асуудал хариуцсан гол байгууллагуудын ажил байдалтай танилцаж, үүссэн зарим асуудлуудыг шийдвэрлэж, холбогдох үүрэг даалгаврыг зохих хүмүүст өглөө.

Ер нь Ерөнхий сайд долоо хоног бүрийн Бямба гаригт тодорхой салбар, чиглэлийн ажил байдалтай танилцаж, холбогдох асуудлуудыг шийдвэрлэх чиглэл барьж байна. Энэ долоо хоногийн Бямба гаригт Мэдээлэл харилцаа технологийн чиглэлээр үйл ажиллагаа явуулдаг өмчийн олон хэлбэрийн байгууллага хамт олноор зочилно.

Ерөнхий сайд Цаг үеийн ажлуудаас гадна ирэх 7 хоногийн үндсэн үйл ажиллагаагаа улс орны хөгжлийн чухал хүчин зүйл болох хөрөнгө оруулалтын салбарт чиглүүлэх болно. Дээрх чиглэлээр зохиогдох хэд хэдэн олон улсын арга хэмжээнд оролцож, энэ чиглэлээр Засгийн газраас баримтлах үндсэн бодлого чиглэлээ танилцуулна. Тухайлбал, Хойд Америк-Монголын бизнес зөвлөлийн хуралд оролцож үг хэлнэ. Дугуй ширээний ярилцлагыг зохион байгуулна. Мөн уул уурхайн Дисковер Монголиа олон улсын бага хуралд оролцож үг хэлнэ.
Їүнээс гадна Монголд хөрөнгө оруулагч хэд хэдэн хүмүүстэй ажил хэргийн уулзалтууд хийнэ. Жишээлбэл Хойд Америк-Монголын бизнес зөвлөлийн дарга Стив Саундерс, Соко компанийн ерөнхийлөгч Эд Стори, Бразилийн Тефис майнинг компанийн Ерөнхийлөгч Жозе Ланкастер, АНУ-ын Либерти Файнанс группын дэд ерөнхийлөгч Доктор Жан нартай уулзах төлөвлөгөөтэй байна.

Энэ долоо хоногийн Засгийн газрын хуралдаан хуваарь ёсоор хуралдаж тодорхой асуудлуудыг шийдвэрлэсэн.
Ерөнхий сайд Засгийн газрын бүтэц бүрэлдэхүүний тухай хуулийн төсөл, Засгийн газрын тухай хуульд нэмэлт өөрчлөлт оруулах хуулийн төслүүдийг боловсруулан, УИХ дах нам эвслийн бүлгүүдтэй зөвшилцөн, саналаа нэгтгэсний үндсэн дээр МУ-ын Ерөнхийлөгчтэй Їндсэн хуульд заасны дагуу зөвшилцөхөөр саналаа Ерөнхийлөгчид өргөн барилаа. Хуульд заасны дагуу Ерөнхийлөгчтэй зөвшилцсөний дараагаар УИХ-д өргөн барина.

Ерөнхий сайд өнөөдөр өглөө МЇЭ-ийн Их хурлын үйл ажиллагаанд оролцон үг хэллээ. Их хурлын төлөөлөгчид Ерөнхий сайдыг их халуун дулаан хүлээж авсан байна. Їг хэлснийхээ дараа Их хурлын төлөөлөгчдийн тавьсан асуултнуудад хариулсан байна.

Ирэх долоо хоногийн 13-ны Даваа гаригийн 21.30 минутаас Їндэсний радио телевизээр Ерөнхий сайд шууд нэвтрүүлэгт оролцоно. Энэ нь олон нийтэд хандсан түүний анхны өргөн хэмжээний ярилцлага болох юм.