Тус тэмцээнд оролцох Монголын самбо бөхийн өсвөр тамирчдын багийн бүрэлдэхүүнд Х.Санжүрэн, Х.Мягмарсүх, Г.Болдбаатар, Ц.Энхмөнх, Р.Саранболд, Ш.Ням-Осор, Б.Золбаяр, Ц.Батсайхан нар оржээ.
Харин залуу эрэгтэй самбочид А.Ууганбаяр, Ц.Тэнгис, Л.Чинзориг, Х.Цагаанбаатар, Д.Энхболд, Б.Зоригтбаатар, Н.Түвшинбаяр, М.Өсөхбаяр нар Ташкентийн дэвжээнд зодоглохоор өчигдөр мордлоо. Эрэгтэй самбочдын дасгалжуулагчаар дасгалджуулагч Г.Энхбаяр, Б.Ганбаатар нар ажиллахаар томилогджээ. Түүнчлэн самбо бөхийн залуучууд, өсвөр үеийн дэлхийн аварга шалгаруулах энэ удаагийн тэмцээнд Монгол улсын гавьяат дасгалжуулагч С.Эрдэнэбатын удирдсан өсвөр, залуучуудын эмэгтэй самбочид оролцохоор мөн Ташкентийг зорьжээ.

Өсвөрийн жүдочид тэмцээнээсээ хоцроод…
Энэ сарын 14-17-нд Унгарын Будапешт хотноо өсвөр жүдочдын ДАШТ болж, 43 орны 267 жүдоч 14 жилд медалийн төлөө өрсөлдлөө.
Манай улсаас хөвгүүдийн 66 кг-д Х.Гантулга, +100 кг-д Г.Эрдэнэ нар зодоглож амжилт муутай оролцлоо. Монголын баг тамирчид тэмцээнээс яльгүй хоцорч очсон нь амжилтад нөлөөлжээ.
Алтан Москвагаас алтан медальтай ирэв
Энэ сарын 16-18-нд Москва хотноо ОХУ-ын гавьяат тамирчин, гавьяат дасгалжуулагч Андреевын нэрэмжит жүдо бөхийн Б зэрэглэлийн олон улсын тэмцээн боллоо. Тус тэмцээний 60 кг-ын жинд зодоглосон Хүй мандал дэвжээний бөх, ОУХМ О.Чинбат аваргалж, 73 кг-д барилдсан Д.Гантулга 8-р байр эзэлсэн байна. О.Чинбат аваргын төлөө барилдаанд Армений бөхийг цэвэр ялжээ.
Мөн Андреевын нэрэмжит шилдэг дасгалжуулагчийн шагналыг Хүй мандал дэвжээний дасгалжуулагч Б.Ганбаатар хүртжээ.

Монголын шатарчид өрсөлдөгчөө хожлоо
Дэлхийн шатрын 36-р олимпиад Испанийн Майоркад үргэлжилж байна. Тав дахь өрөгт Монголын эрэгтэйчүүдийн баг Эквадорын багийн 31-ээр хожлоо. Энэ өдөр их мастер Д.Шаравдорж их мастер Ф.Карлостой тэнцсэн бол Б.Хатанбаатар Ф.Албертыг, З.Бямбаа Д.Ричардсыг хожсон байна. ФИДЕ мастер Д.Эрхэмбаяр Б.Флинотой тэнцжээ. Эмэгтэй шатарчид Норвегийн багийг 2.50.5-аар хожиж шатар сонирхогчдыг баярлуулав. Б.Мөнгөнтуул, Т.Батцэцэг нар өрсөлдөгчөө хожиж залуу шатарчин Э.Энхжаргал тэнцлээ.

Бөхчүүд сагсаар барилдана
Бөхчүүдийн сагсан бөмбөгийн цомын аварга шалгаруулах хоёрдахь тэмцээн 10-р сарын 26-28-нд Спортын төв ордонд болох гэж байна. Тэмцээнд улс аймаг, цэргийн цолтой бөхчүүд оролцохоос гадна баг тус бүрт олонд танигдсан хоёр залуу бөх тоглолтыг мөн зөвшөөрөх аж.
Тэмцээнийг зохион байгуулагч Г.Нямдорж
-Ноднингийн тэмцээнд 11 баг оролцсон. Энэ жил үүнээсээ өргөн дэлгэр болох шинжтэй. Тэмцээнийг уламжлал ёсоор ХААН банк ивээн тэтгэж байгаа гэлээ.
Түрүүлсэн баг цом, алтан медаль, 800 мянган төгрөгийн хамт гаргах бол мөнгөн медалийг 600 мянга, хүрлийг 400 мянган төгрөг дагалдана. Тэмцээний техникийн зөвлөгөөн Х.25-ны 15.00 цагт СТО-нд болох юм байна.

Ахмад теннисчид Америкаас ганзага дүүрэн ирлээ
Энэ сарын эхээр зохиогдсон ширээний теннисний ахмадын Loe Angeles Open Game тэмцээнд манай дөрвөн тамирчин оролцон медаль хүртжээ. Тэмцээнд 10 орны 100 шахам тамирчин оролцсон байна.
О.Цэдэнбалжир, С.Отгонбаатар нар ганцаарчилсан тоглолтод өнгө, хүрэл медаль хүртсэн бол Р.Тэмүжин, Н.Энхтайван нар хос тоглолтод хүрэл медаль авчээ.
2004.10.21, 5 цагариг

Өсвөрийн жүдочид тэмцээнээсээ хоцроод…
Энэ сарын 14-17-нд Унгарын Будапешт хотноо өсвөр жүдочдын ДАШТ болж, 43 орны 267 жүдоч 14 жилд медалийн төлөө өрсөлдлөө.
Манай улсаас хөвгүүдийн 66 кг-д Х.Гантулга, +100 кг-д Г.Эрдэнэ нар зодоглож амжилт муутай оролцлоо. Монголын баг тамирчид тэмцээнээс яльгүй хоцорч очсон нь амжилтад нөлөөлжээ.

2004.10.21, 5 цагариг