Мөн Монголын Хөл бөмбөгийн холбооны төвлөрсөн ордон цогцолборын нэгээхэн хэсэгт сүндэрлэх юм байна. Дэлхийн хөл бөмбөгийн холбооны гүйцэтгэх хурлаас өөрийн гишүүн болох 204 орноос арван оронг сонгож, хоёрдугаар төсөл гэгчийг хэрэгжүүлэх болсон бөгөөд манаөй улс тэдгээр орны тоонд багтжээ. Дээрх цогцолбор нь уг төслийн хүрээнд босох юм. Барилгын ажил ирэх оны 1-р сард эхлэхээр төлөвлөгдсөн боловч газар хөлдөхөөс урьтаж 11-р сард газраа хөндөхөөр болсон байна. Цогцолбор баригдсанаар манай хөл бөмбөгийн хөгжлийг түргэтгэх болно. Хөл бөмбөгийн хиймэл талбайтай болоод удаагүй байгаа. Монголд энэ спорт улам эрчимтэй хөгжих үндэс суурь ийнхүү тавигдлаа гэж МХБХ-ны ерөнхий нарийн бичгийн дарга Б.Ганболд ярилаа. Дашрамд дурьдахад энэ өдрүүдэд МХБХ-ноос хөдөө орон нутгийн хөл бөмбөгийн холбооныхонд сургалт явуулж, Дархан, Сэлэнгэ, Зүүнхараа, Эрдэнэт,Багануур, Замын-Үүдийн албан ёсны зөвлөхүүд хөл бөмбөгийн спортыг цаашид хэрхэн хөгжүүлэх талаар зөвлөн хэлэлцэж байгаа аж.

2004.10.23, Өдрийн сонин