Сайдын найраанаас гадуур хоцорч гологдол шилэгдэл болж гонсойн үлдсэн Да.Ганболд, Л.Гүндалай, Лу.Болд, Э.Бат-Үүл тэргүүтнүүд ийнхүү ялалтаараа амаа олохгүй бялуу зооглосон нөхдөө нүүр хийх газаргүй болгочихоод байна. Хэнтий, Сүхбаатар, Хөвсгөл аймгуудад тасархай амжилт үзүүлж УИХ-ын сонгуулиар час улаан байсан тойргуудыг алмайртал урвуулж чадсанаараа эвслийнхнийг төдийгүй МАХН-ыг шоконд оруулсан тэд ялалтаа нижгэр тэмдэглэжээ. Хэний хүү гэдгээ харуулж дөнгөсөн тэд манай гишүүд ёс зүйтэй бид үзэл бодлоороо нэгдсэн болохоос ямар нэгэн эрх ашгийн төлөө нэгдээгүй нь батлагдлаа. Ажлаа хийдгээрээ л хийсэн болох юм болдгоороо боллоо хэмээн мөр мөрөө алгадалцаж байжээ.
2004.10.25, Монголын нэг өдөр