Эрээн алчууртай өвгөн Палестинийг 40 жил залуурдахдаа санхүүгийн асар том хэрнээ нууцлаг эзэнт улсыг байгуулжээ. Эзэнт улсын мөнгө нислэгийн компаниуд, гадил жимсний тариалан, компьютер, өндэр технологийн салбаруудад хөрөнгө болон орсны зэрэгцээ, дэлхийг аалзны тор адил хэрсэн банкнуудын нууц дансанд мөнгө сая саяаараа бий. 1996 он хүртэл Палестиний чөлөөлөх байгууллагын (ПЧБ) Сангийн сайдын албыг хашсан Жавид аль-Гуссейн Түүний хөрөнгө намайг байх үед 3-5 тэрбум орчим ам.доллараар үнэлэгдэж байсан. Одоо хэд болсныг хэлж мэдэхгүй. Ямар ч гэсэн багасаагүй гэж АР агентлагт өгсөн яриандаа өгүүлжээ. Олон палестин хүн энэ их мөнгө Я.Арафатыг тойрон хүрээлсэн ах дүү, хамаатан садны нь халаасанд ороод алга болно хэмээн зовниж байгаа юм. Палестиний хууль тогтоогч Хассан Хрейш Энэ бол Палестиний ард түмний хөрөнгө; Парламент энэ их хөрөнгийг тогтоох, мөрдөн шалгах ажил эхлүүлэх нь зүйтэй гэж уриалав. Нууц дансыг илрүүлж, хөрөнгө оруулсан газруудыг тогтоох нь далайн уснаас зүү эрэх лугаа адил хэцүүхэн даваа. 1970, 1980-аад онуудад ПЧБ-д цугтгаж байсан арабчуудын мөнгө, 1990-ээд онд Израильтай найрамдлын гэрээ байгуулсаны дараа өрнөдөөс ирж байсан тусламжийн мөнгөний дансыг Арафат барьж байлаа.
Аль-Гуссейны хэлж байгаагаар, Я.Арабат хөрөнгө оруулалт, банкны нууц дансаа өөртөө нохой мэт үнэнч хүмүүсийнхээ нэр дээр бүртгүүлдэг бөгөөд хариуд нь албан тушаал, аюулгүй байд-лыг тэдэнд өгдөг байсан гэнэ. Я.Арафат гэрээслэл эсвэд санхүүгийн бүртгэл үлдээсэн эсэх нь хараахан тодорхойгүй. Өвгөн хэзээ ч өөрийн санхүүгийн тухай юм ярьж байгаагүй. ПЧБ-ын удирдагчид хоёрдугаар сард Я.Арафатад шахалт үзүүлэхэд тэрбээр Ямар ч нууц данс байхгүй хэмээн гэж мэдэгдсэн аж.
Я.Арафатын санхүү-гийн зөвлөх Мохаммед Рашид Аль-Араб телевизэд өгсөн ярилцлагадаа өвгөнд сайхан сэтгэл, эрээн алчуураас өөр юм байхгүй мэтээр яриад, Арафатын гэх хувийн эд хогшил энэ дэлхий дээр байхгүй. Цэцэрлэг, байшин, банкны данс битгий хэл өөрийн гэх майхан ч түүнд байхгүй. Ясир Арафат гэдэг нэр нь харин байгаа гэв.
2003 онд Форбс сэтгүүл эзэн хаад, дарангуйлагч нарыг эд хөрөнгөөр нь жагсаахад Я.Арафат зургадугаар байранд орж байсан бөлгөө. Израилийн Тусгай албаны дарга асан Шалом Харари Арафат Израиль түүнийг хөөж гаргах зэрэг болзошгүй тохиолдолд хэрэглэхээр дор хаяж 700 сая орчим ам.доллар хадгалсан гэлээ. Я.Арафатын мөнгөний тухай ярих бүрт түүний эхнэр Суха Арафат, Рашид хоёрын нэр байнга дурсагддаг. Хэдийгээр Сангийн сайд Салам Фаяад Палестиний засаг захиргааны нэрээр хийсэн бүх хөрөнгө оруулалт хяналтад байдаг гэж мэдэгдэж байгаа ч сүүлийн арван жилд Рашид олон зуун сая ам.доллар засаг захиргаанаас авч байжээ. Парист суудаг түүний эхнэр Суха Арафат сар бур 1р&. мянган ам.доллар Палестинаас хүлээн авдаг. Энэ жил Францын прокурорууд Сухагийн данснаас хийсэн 11 сая ам.долларын хөдөлгөөнийг мөнгө угаасан хэрэг хэмээн үзэж мөрдөн шалгах ажил эхлүүлжээ. Арабын орнууд 1979 оноос эхлэн ПЧБ-д мөнгө цутгаж эхэлсэн байна. Арван жил тутам ойролцоогоор 200 сая ам.доллар ирж байсан агаад Саудын Араб гэхэд л жилд 85 сая ам.доллар хандивлаж байв. Тухайн үед Палестиний сан хөмрөгийн дарга байсан Аль-Гуссейн Я.Арафатад сар бүр 10 сая ам.долларын чекийг төсвөөс олгодог байсан аж. Энэ мөнгийг ПЧБ-ын амь эрсэдсэн дайчид, тэдний ар гэрийнхэнд өгөх ёстой байсан ч Я.Арафат ёс төдий хэдэн доллар хаядаг байсан төдийгүй тайлангаа гаргаж өгөхөөс татгалздаг байж. Арабын орнуудаас ирдэг их мөнгө 1990 оноос тасарсан байна. Учир нь Я.Арафат Кувейт рүү цөмрөн орсон Саддам Хусейныг дэмжиж эхэлсэн аж. Гэхдээ мөнгөөр тасарсангүй. Саддам Хусейн түүний энэ алхамд ач санаж гурван ч удаа 150 сая ам.доллараар гарыг нь цайлгаж байв. Мөнгийг ПЧБ-д биш Арафатад зориулан өгсөн аж.
ПЧБ-ын мөнгө Мальдив руу нислэгийн компанид, Грек рүү усан тээвэрт, Африк руу алмаазны уурхай, гадил жимсний тариаланд, Араб руу үл хөдлөх хөрөнгийн бизнест хөрөнгө оруулалт болон оржээ. ПЧБ-ын бусад удирдагч
ойрын нэг, хоёр жилээс л мөнгө хаашаа орсныг сонирхож эхэлжээ. Тэдний шахалтад орсон Гаазын зурвас, Баруун эрэгт суудаг санхүүчид, эдийн засагиид Я.Арафатын үнэнч хүмүүсийн нэр дээр бүх хөрөнгө оруулалтыг бүртгэсэн гэдгийг хэлсэн юм. Мэдээж эдгээр санхүүчдийн нэр-сийг аюулгүй байдлын улмаас нууцалсан.
Нэрээ хэлэхийг хүсээгүй ПЧБ-ын өндэр албаны хүн Байдал их ээдрээтэй байна. Маш их мөнгө ор сураггүй алга болсон. Хөрөнгө оруулсан зарим компани дампуурч, эсвэл нэр дээр нь хөрөнгө оруулсан хүмүүсийн зарим нь нас барж, мөнөөх хөрөнгө нь гэр бүлийнхнийх нь нэр дээр шилжсэн. Я.Арафатын хамаатан саднууд ч чамгүй мөнгө идсэн гэж өгүүлэв.
Баруун эрэг, Гаазын зурваст өөртөө засах эрхтэй болсноос хойш Я.Арафат орлогын шинэ эх үүсвэртэй болжээ.
Израильтай энхийн хэлэлцээр тогтоосны дараа дэлхийн хамтын нийгмлэг Я.Арафатад маш их итгэл өгч, дөнгөж соёолж буй энхийн харилцааг авч үлдэхийн тулд 1994-2003 оны хооронд 6,5 тэрбум ам.доллараас илүү хандивыг ПЧБ-д өгчээ.
Баруун эргийн санхүүчдийн тооцоогоор, ПБЧ-ын хөрөнгө 2,5-4 орчим тэрбум ам.доллар байх ёстой аж.
(өнөөдөр 2004.11.11 264)