Энэ өдрийн үдээс хойш хүнсний хяналтын лабораториудын ажилтай танилцах юм байна. Үүний дараа Эрүүл хүнс-2005 үзэсгэлэнг үзэх аж.
Ерөнхийлөгч ОХУ-ын Ерөнхийлөгчийн дэргэдэх Төрийн албаны академийн захирал В.К.Егоровыг баасан гаригт хүлээн авч уулзана. Эл өдөр Ерөнхийлөгч Агро-Эко компанийн ажилтай танилцахаар төлөвлөжээ. Түүнчлэн Удирдлагын хөгжлийн академийн 80 жилийн ойн хуралд оролцох юм байна. Дараа нь Японы Хокирику их сургуулиин эзэн Китаматотай уулзах аж.

УЛСЫН ИХ ХУРАЛ
Төовийн зарлагын хяналтын дэд хороо өнөөдөр хуралдаж Монгол Улсын 2005 оны төсвийн тухай хуулийн төслийн хоёр дахь хэлэлцүүлгийг явуулна. Энэхүү төслийг түүнчлэн Хууль зүйн, Байгаль орчин, хөдөөгийн хөгжлийн, Аюулгүй байдал, гадаад бодлогын, Төрийн байгуулалтын байнгын хороо хэлэлцэх аж. Эл өдөр үндсэн чиглэлийг батлах тухай УИХ-ын тогтоолын төслийгХууль зүйн, Байгаль орчин, хөдөөгийн хөгжлийн болон Аюулгүй байдал, гадаад бодлогын байнгын хороо анх удаа хэлэлцэх юм байна.
Төрийн байгуулалтын байнгын хороо өнөөдөр Тулгар төр байгуулагдсаны 800 жилийн ойг тэмдэглэх арга хэмжээний тухай УИХ-ын тогтоолын төсөл ергөн баригдвал хэлэлцэхээр төлөвлөжээ. Төсвийн байнгын хороо лхагва гаригт төсөвтэй холбоотой дээрх асуудлыг хэлэлцэнэ.
УИХ-ын чуулганы нэгдсэн хуралдаан пүрэв, баасан гаригт болох агаад Монгол Улсын эдийн засаг, нийгмийг 2005 онд хөгжүүлэх үндсэн чиглэлийг батлах тухай УИХ-ын тогтоолын төслийн анхны хэлэлцүүлгийг, Төсвийн тухай хуулийн төслийн хоёр дахь хэлэлцүүлгийг хийнэ.
Баасан гаригт Гадаад хэргийн сайд Ц.Мөнх-Оргил Дипломат албаны бодлогын асуудал сэдвээр чуулганы хуралдаанд мэдээлэх аж. Их Британид ажлын айлчлал хийжбайгаа УИХ-ын,дарга Н.Энхбаяр мөн баасан гаригт эх орондоо ирнэ.
(өнөөдөр 2004.11.16 268)