Тэрээр багаасаа сагс, хөл бөмбөг тоглох сонирхолтой байсан байна.

Д.Лүндээжанцан
МУИС-ийг хуульчийн мэргэжлээр төгссөн. Хууль зүйн ухааны доктор. Түүний хобби гэвэл бөх, морь. Улсын наадмаар эгээ л өөрөө уралдах гэж байгаа юм шиг хөл алддаг. Бөх үзэхээрээ хажуу дахь хүнийхээ ярьж байгааг анзаарах сөхөөгүй болдог аж.

Т.Очирхүү
Санктпетрбургийн улсын их сургуулийг төгссөн. Тэрээр чөлөө зав гарах юм бол байгалийн сайхныг мэдэрч, түүнээсээ урам зориг авдаг.Мөн шатар тоглох их л дуртай гэнэ.

У.Хүрэлсүх
БХИС Удирдлагын академи, АНУ-ын Калифорни мужийн Олон улсын академийг төгссөн. Түүний хувьд ном бол ертөнцийг харах цонх гэдгийг үргэлж мэдэрч явдаг. Учир ньтэрээр зав чөлөө гарах л юм бол зохиолын ном уншиж амтанд нь орох тун дуртай нэгэн. Мөн нам гүм орчинд бодол болон суух нь олон. Аливаа зүйлийг тунгааж бясалгах дуртай түүнд энэ байдал нь эм ч болдог биз ээ.

Ц.Нямдорж сайд
Ленинградын их сургуулийг хуульч мэргэжлээр төгссөн. Шулуун шударга атлаа хахир зантай гэгддэг гишүүн маань дуулах тун ч дуртай гэнэ.Мөн шаггүй сайн найрагч гэнэ. Зөрүүд муйхараараа алдартай түүний арга эвийг олъё гэвэл яруу найргийн хэдэн ном бариад очиход л болно.

Л.Одончимэд
АУИС-ийг төгссөн. Дулдуйдын Данзанравжааг дээдлэн биширдэг түүнийг хүүхэд хөгшдөд ээлтэй гэдгийг хүн бүхэн мэднэ. Тиймээс шог болон хүүхдийн зохиол бичиж, хүнийг үгээр эмчлэх дуртай.

С.Оюун
Чехийн Карпов, Харвордын их сургуулийг төгссөн. Химич мэргэжилтэй. Түүний хүсэл сонирхол нь бусад гишүүдээс арай л өвөрмөц. Тэр нь юу вэ гэвэл бие хамгаалах урлагаар хичээллэх, намуудыг эвлэрүүлэх сонирхолтой гэнэ. Энэ сонирхол нь ч Эх орон-Ардчилал эвслийг бий болоход гол нөлөө болсон биз ээ.

Б.Жаргалсайхан
Урлагт ээлтэй хүн гэдгийг хүн бүхэн мэдэх ч Сансрын физикч мэргэжилтэйг нь тэр бүр мэддэггүй байх. Тэрээр өөрийн сонгуулийн сурталчилгааны хаалтын шоугаа өөрөө хөтөлсөн нь түүний далд авьяасын нэгээхэн хэсэг бололтой. Рок попынхныг ивээн тэтгэгч эрхэм гишүүн маань дискний арвин цуглуулгатай бөгөөд түүний цуглуулганд BONIM хамтлагийн оргиналь диск байдаг гэнэ.

Д.Арвин
МУИС-ийг түүхч мэргэжлээр дүүргэсэн. Тэрээр зөөлөн тоглоом, хүүхэлдэй цуглуулж түүнийгээ үргэлж шинэчилж байдгийн зэрэгцээ найзууддаа түүнээсээ харамгүй бэлэглэх дуртай. Харин сүүлийн үед тайван чимээ аниргүй амьдралыг эрхэмлэх болсон гэнэ. Мөн сагс тоглож, хөлсөө гаргах нь хамгийн гол амралт нь болдог гэж үздэг.

С.Батболд
Олон улсын эдийн засагч,дипломатч, эдийн засгийн ухааны докторцолтой. Орос, Англи, Франц хэлтэй. Айлын отгон хүүхэд ч гэлээ нэг их эрх өсөөгүй тэрээр одоо ч гэсэн хүүхэлдэйн кино үзэх дуртай гэнэ.

Ч.Авдай
МУИС, Ташкентад аспирантур, Санкт Петрбургт доктарантурт төгссөн тэрээр байгалийн сайханд зугаалах дуртай.

Б.Батбаатар
МУИС-ийн эдийн засгийн дээд сургуулийг эдийн засагч менежемнтийн чиглэлээр, ХЗДС-ийг эрх зүйч, хуульч мэргэжлээр төгссөн. Бизнесийн удирдлагын магистр цолтой. Шатар тоглож, ном унших дуртай. Тэр дундаа түүхийн номонд нугасгүй. Монголын нууц товчоог 36 удаа уншсан түүнд 1903 онд зуухан хувь хэвлэгдэж байсан Бигармижид хааны туужийн анхны хэвлэлт байдаг бөгөөд маш олон судартай тэрээр шаардлага гарвалд маань ч уншчихдаг гэнэ шүү.

Д.Бат-Эрдэнэ
Ажнай корпорацийн гэх тодотголтой залуу гишүүн маань шаггүй сайн уяач. Түүний уясан хурдууд улс, аймгийн наадамд айраг түрүү алддаггүй гэхэд болно. Адуу хэмээх тэнгэрлэг амьтныг сүлдэндээ дээдэлсэн энэ хийморлог эрхмийг ММСУХ-ны тэргүүн гэдгийг уншигчид маань мэдэх байх. Энд тэндхийн найр наадам хэсэж, уяа, шон дээр өнждөг тэрээр цаг наргүй их хурал чуулганаа харин одоо яах бол…

Т.Ганди
Төмөр хатагтай гэгддэг энэ гишүүн ажлын гараагаа Монголын зэвсэгт хүчний дуу хоолой болсон Улаан од сониноос эхэлж хожим нь МУИС-ийг сэтгүүлч мэргэжлээр төгссөн байна. Дашрамд хэлэхэд Тэнгис кино театрт гарч буй Аянга кино нь үзэгчдийг байлдан дагуулж байгаа гэнэ шүү.
2004.11.10, 12 цаг