Тэрээр Засгийн газрын үйл ажиллагааны хөтөлбөр, эдийн засаг, нийгмийг хөгжүүлэх үндсэн чиглэл болон ирэх оны улсын төсвийн талаар танилцуулж, цаашдын бодлого, үйл ажиллагаанд санал бодлоо хэлж, зөвлөж байхыг хүслээ. Урьд нь Ерөнхий сайдаар ажиллаж байсан найман хүн байгаагийн дөрөв нь өдгөө УИХ-ын гишүүн. Тиймээс Засгийн газрын бодлого боловсруулах, чиг, хандлагыг тодорхойлоход оролцох бололцоотойг Ерөнхий сайд онцлон тэмдэглээд Д.Содном, Ш.Гунгаадорж, Д.Бямбасүрэн, П.Жасрай нар тэр бүр энэ асуудалд оролцож чадахгүй байгааг харгалзан тэднийг Ерөнхий сайдын орон тооны бус зөвлөхөөр томилсноо танилцуулж, үнэмлэхийг нь гардуулан өглөө.
Монгол Улсын Ерөнхий сайд асан ахмадууд Засгийн газрын ажилд амжилт хүсээд УИХ-ын сонгуулийн үр дүнд бий болсон нөхцөл байдлыг ашиглан улс орноо хөгжүүлэх алсыг харсан, урт хугацааны нэгдсэн бодлого боловсруулах хэрэгтэйг чухалчлан зөвлөлөө.
Энэ өдөр мөн Ерөнхий сайд Эрх чөлөө төвийн захирал Ц.Оюунгэрэлийг зөвлөхөөрөө томилсон байна.
2004.11.16, Зууны мэдээ